Morteza Hannaneh
Morteza Hannaneh (en persa مرتضی حنانه, naskiĝis la 1-an de marto 1923 en Teherano, mortis la 17-an de oktobro 1989 en Karaĝ) estis Irana komponisto kaj korno-ludisto.[1]
| Morteza Hannaneh | |
|---|---|
| |
| Persona informo | |
| Naskiĝo | 1-an de marto 1923 en Teherano |
| Morto | 17-an de oktobro 1989 (66-jaraĝa) en Karaĝ |
| Mortokialo | kancero |
| Tombo | Imamzadeh Taher Cemetery |
| Lingvoj | persa |
| Ŝtataneco | Irano |
| Familio | |
| Edz(in)o | Behjat Sadr |
| Parencoj | Shahin Hannaneh |
| Okupo | |
| Okupo | dirigento • komponisto |
Vivo redakti
Morteza Hannaneh naskiĝis en Teherano en la jaro 1923. Lia patro Mohamad Hannaneh estis la fondinto de la lernejo Iranŝahr. Li post studi en bazlernejo, pro la insisto de la patro ekstudis muzikon en la nacia lernejo de muziko. En tiu tempo, la lernejo dungis dek instruistojn de Ĉeĥoslovakio por instrui muzikon kaj Morteza Hannaneh lernis kiel ludi kornon tie. Poste li iĝis la ĉefa ludisto de korno en la orkestro de Teherano.
Kiam la dua mond-milito komenciĝis, ilia muzika lernejo fermiĝis. Sed Morteza Hannaneh kun la helpo de aliaj muzikistoj kiel Fereydun Farzane, Hasan Ŝirvani kaj Qolam Hosein Qarib komencis fari liberajn koncertojn. Iom poste kiam Parviz Mahmoud ankaŭ aliĝis al ili, ili fondis la nacian orkestron de Irano.
En la jaro 1949, kiam Parviz Mahmoud forlasis Iranon por ĉiam, Morteza Hannaneh kaj aliaj famaj muzikistoj fondis revuon nome Ĥorus Ĝangi (Batalanta virkoko). Ĉi tiuj junaj muzikistoj tiam fondante la revuon intencis defendi modernan muzikon kontraŭ tradiciaj muzikistoj. Morteza Hannaneh dum ĉi tiuj jaroj kolektis diversajn komponaĵojn de Parviz Mahmoud kaj pretigis ilin por esti ludataj per la orkestro de Teherano. Dum ĉi tiuj jaroj li ankaŭ komponis la faman komponaĵon Suito de Marĝan. Ĉi tiu komponaĵo estis farite laŭ rakonto verkite de Qolam Hosein Qarib. La komponaĵo por la unua fojo ludiĝis per la orkestro de Teherano kaj post jaroj, kantistoj kiel Farah Afiatpur kaj Monire Vakili ankaŭ kantis ĝin.[2]
En la jaro 1953, kiam la festoj por Ibn Sina (Aviceno) okazis, Morteza Hannaneh sukcesis ludi muzikojn por famaj kaj gravaj eksterlandanoj kaj la ĉeestantoj tre ŝatis. En tiu festo la ambasadoro de Italio ĉeestis kaj donis mon-helpon al Hannaneh por studi muzikon en Italio. Do Morteza Hannaneh ekstudis muzikon en muzika lernejo de Vatikano kaj ankaŭ esploris pri la religia muziko de Italio. Ankaŭ en tiuj jaroj li komponis muzikon por la filmo Aruse Deĝle.
Post finstudi en la muzika lernejo de Vatikano en la jaro 1961, Morteza Hannaneh revenis al Irano. Post unu jaro li sukcesis fondi novan orkestron nome Farabi kaj kun ili ludi siajn komponaĵojn kaj komponaĵojn de aliaj. La orkestro dum 7 jaroj sukcesis ludi pli ol 80 komponaĵojn kaj registri ilin en radio. En la jaroj 1969 kaj 1970 li aranĝis televid-programojn por instrui Iranan muzikon nome "Koni Iranan originalan muzikon". Li tiun programon prezentis kun la helpo de aliaj famaj muzikistoj kiel Farhang Ŝarif, Morteza Nej Davud kaj Hosein Qavami.
Post la finiĝo de la orkestro Farabi, Morteza Hannaneh komencis komponi muzikojn por filmoj. Li komponis por filmoj kiel Farar az tale, Gorge Bizar, Qese Mahan, Sarzamine man, Moĝ, Gelim kaj Tir Baran. Li ankaŭ komponis muzikon por televida serio nome Hezardastan.[3]
Morto redakti
Morteza Hannaneh la 17-an de oktobro 1989, post longa suferado de okulo-kancero forpasis. Li ĉiam volis entombiĝi ĉe la tombo de Ibn Sina en Hamedan. Sed ĉi tiu afero ne okazis kaj li finfine entombiĝis en Karaĝ.
Komponaĵoj por filmoj redakti
Morteza Hannaneh komencis komponi por filmoj ekde la jaro 1948 por filmo nome "Irano, la lando de nigra oleo".
| Jaro | Filmo | Direktoro |
|---|---|---|
| 1954 | Aruse Deĝle | Nostarollah Mohtaŝem |
| 1957 | Bohlul | Sadeq Bahrami |
| 1963 | Sahele Entezar | Siamak Jasami |
| 1963 | Tapehaje Marlik | Ebrahim Golestan |
| 1964 | Lazate Gonah | Siamak Jasami |
| 1965 | Aruse Darja | Arman Huspian |
| 1967 | Almas 33 | Dariuŝ Mehrĝui |
| 1971 | Pol | Ĥosro Parvizi |
| 1971 | Kako | Ŝapur Qarib |
| 1971 | Pahlevan Monfared | Aman Manteqi |
| 1971 | Se Qap | Zakaria Haŝemi |
| 1971 | Farar az Tale | Ĝalal Moqadam |
| 1971 | Baba Ŝamal | Ali Hatami |
| 1971 | Raze Deraĥte Senĝed | Ĝalal Moqadam |
| 1971 | Qesas | Nezam Fatemi |
| 1972 | Samad va Fuladzereh Div | Ĝalal Moqadam |
| 1972 | Ĝahanam + Man | Mohamad Ali Fardin |
| 1972 | Qalendar | Ali Hatami |
| 1980 | Ĥun Bareŝ | Amir Qavidel |
| 1980 | Sanade Zende | Asqar Biĉare |
| 1985 | Taŝrifat | Mehdi Faĥimzade |
| 1985 | Mardi ke Muŝ Ŝod | Ahmad Baĥŝi |
| 1986 | Tirbaran | Ali Asqar Ŝadravan |
| 1984-1988 | Ĝafar Ĥan Az Farang Bargaŝte | Ali Hatami |
| 1979-1987 | Hezardastan | Ali Hatami |
Referencoj redakti
- ↑ http://www.bbc.co.uk/persian/arts/story/2004/10/041013_ag-kh-hannaneh.shtml
- ↑ http://www.bbc.co.uk/persian/arts/2014/10/141019_l51_hannaneh_music_anni
- ↑ Arkivita kopio. Arkivita el la originalo je 2018-07-20. Alirita 2020-04-30.