Movado Ennahda
La Movado Ennahda (arabe حركة النهضة, Ḥarakat an-Nahḍah; france Mouvement Ennahda, ankaŭ konata kiel "renesanca partio" arabe حزب النهضة, Hizb al-Nahḍah aŭ simple Ennahda) estas modera Islamisma politika partio en Tunizio.
| Movado Ennahda | ||
|---|---|---|
| ||
| partio | ||
| Komenco | 14-a de januaro 2011 vd | |
| Lando(j) | Tunizio vd | |
| Sidejo | Tunizio | |
| Ideologio |
islama demokratio • konservativismo • ekonomia liberalismo | |
| Fondinto(j) | Raŝid Ganuŝi • Hmida Ennaifer • Abdelfattah Mourou vd | |
| Ĝenerala(j) Sekretario(j) |
Ali Laarayedh vd | |
| Ĉefestro(j) | Raŝid Ganuŝi vd | |
| Retejo | Oficiala retejo | |
La 1-an de marto 2011, post kiam la registaro de Zine El Abidine Ben Ali kolapsis sekve de la tunizia revolucio de 2011, la provizora registaro de Tunizio koncedis al la grupiĝo permeson formi politikan partion. Ĝenerala sekretario fariĝis la ĵurnalisto Hamadi Ĝibali. De tiam ĝi fariĝis la plej granda kaj plej bone organizita partio en Tunizio, ĝis komenco de la jaro 2013 superante la pli nereligiajn konkurencajn partiojn. La 23-an de oktobro 2011, en la elekto por la Konstituciiga Asembleo de Tunizio, la unua libera demokratia elekto en la landa historio, kiun partoprenis 51,1 procentaĵoj de ĉiuj principe balotrajtaj civitanoj, la partio akiris 37,04 procentaĵojn de la voĉdonoj kaj 89 (41 procentaĵoj) el la entute 217 asembleaj sidlokoj, multe pli ol iu ajn alia partio. Hamadi Ĝibali sekve iĝis ĉefministro de la lando.
