Murça

Murça
municipo de Portugalio • urbo de Portugalo
Flago	Blazono
Administrado
Poŝtkodo	5090
En TTT	Oficiala retejo [+]
Demografio
Loĝantaro	5 952 (2011) [+]
Loĝdenso	31 loĝ./km²
Geografio
Geografia situo	41° 24′ N, 7° 27′ U (mapo)41.4-7.45 [+]
Areo	189,36 km² (18 936 ha) [+]
	Murça (Portugalio)
	Situo de Murça
Alia projekto
	Vikimedia Komunejo Murça [+]
	v • d • r

Murça estas portugala urbo en la oriento de la distrikto Vila Real, Norda regiono kaj subregiono Douro.

Ĝi estas sidejo de la municipo Murça kiu havas totalan areon de 189,37 km², 5 245 loĝantojn en 2021 kaj loĝdensecon de 28 loĝantoj por km², subdividita en sep fregezioj. La municipo limas norde kun Valpaços, oriente kun Mirandela, sudoriente kun Carrazeda de Ansiães, sudokcidente kun Alijó kaj nordokcidente kun Vila Pouca de Aguiar.

Historio

Pilorio de Murça.

Estas loĝado jam el prahistoriaj tempoj, kiel atestas kelta ŝtona statuo de porkino nome Porca de Murça, kaj diversaj kastrumoj.

La areo estis konkerita de kristanoj el islamanoj definitive ĉirkaŭ la 11-a jarcento. Pri la gravo de la diversaj tiamaj municipoj atestas diversaj pilorioj kaj poste urbodomoj, ĉefe de la 18-a jarcento. Pri la riĉo de la nobelaro atestas diversaj blazondomoj.

La plej fruaj referencoj al la regiono de Murça aperis en la dokumentoj Inquirições de la reĝo Afonso la 2-a. Municipa aŭtonomeco realiĝis en la 13-a jarcento, kiam la reĝo Sanĉo la 2-a aprobis foruon (ĉarton) la 8an de Majo 1224. Tion poste konfirmis Afonso la 3-a la 10an de Januaro 1268. Similajn ĉartojn havigis la 18an de Aprilo 1304 kaj la 9an de Majo 1512, fare de la reĝoj Denizo kaj Manuelo, respektive.

Dum la Liberala Revolucio (18a jarcento) kvin grafoj de Murça estis honorigitaj de la reĝo Johano la 6-a.

La loĝantaro de Murça atingis pinton de preskaŭ 10 000 loĝantoj en la 1960-aj jaroj, sed poste okazis forta elmigrado kaj ĝi malaltiĝis ĝis nunaj 5 000, tio estas, oni perdis ĉirkaŭ duonon.