Ollauri

Ollauri [oLJAŬri] estas vilaĝo kaj municipo de Rioĥo (norda Hispanio), nome en la nordokcidenta Komarko de Haro.​

Ollauri
municipality of La Rioja
Administrado
Poŝtkodo	26220
En TTT	Oficiala retejo [+]
Demografio
Loĝantaro	312  (2023) [+]
Loĝdenso	104 loĝ./km²
Geografio
Geografia situo	42° 33′ N, 2° 50′ U (mapo)42.541944444444-2.8330555555556 [+]
Alto	493 m [+]
Areo	3 km² ( 300 ha) [+]
Horzono	UTC+01:00 [+]
Ollauri (Provinco Rioĥo) DEC Ollauri Situo de Ollauri
Ollauri (Hispanio) DEC Ollauri Situo de Ollauri
Alia projekto
Vikimedia Komunejo Ollauri [+]

La malgranda municipa teritorio de Ollauri.

Urbodomo de Ollauri.

Pri etimologio menciindas la deveno de la loknomo Ollauri. Ĝi estas eŭska toponimo kiu devenas el ol(h)a kun signifo “kabano, paŝtista kabaneto”, kaj (h)uri sufikso ofta en la eŭskdevena toponimio kun signifo “vilaĝo aŭ loĝloko”. Tial la kompleta signifo de la toponimo estus "vilaĝo de kabanoj". Tiu nomo aperas dokumentita laŭ variaj mezepokaj citaĵoj kun diversa literumado kiel por ekzemplo: Olauri en 1182, Olhauri en 1185 — tiu lasta eble plej proksima al la praprononco —, Hollauri en 1215, Olauri en 1257 kaj Hullauri 1488.​

La loko aperas en dokumento de 1343 kiel "Ullauri".

Je la enpovigo de la Burbonoj en Hispanio kun Filipo la 5-a, la termino de Rodezno (kun Ollauri kaj Gimileo) akiris sendependecon disde Briones, atingante propran municipon kaj municipan teritorion en 1712.

La rura elmigrado okazis laŭlonge de la 20-a jarcento, de kies komenco oni malaltiĝis el 865 loĝantoj ĝis nunaj 300.

Nuna ekonomio ege dependas de industrio de vinproduktado.

Estas nutrovendejo, apoteko, kuracejo, foje banko, du restoracioj, du trinkejoj, municipa biblioteko kaj bazlernejo.

Vizitindaĵoj estas preĝejo kaj ermitejoj, ok vinkeloj, kvar palacoj, vitejaj kabanoj, ktp.

Vidu ankaŭ

• Municipoj de Rioĥo

Bildaro

• 
  Panoramo.
• 
  Moderna vinkelo.
• 
  Preĝejo.
• 
  Palaco de la Markizoj de Terán.
• 
  Palaco de Federico Paternina.
• 
  Palaco de la grafo de Portalegre.
• 
  Palaco de Pobes.