Organizaĵo por helpo al naciaj politikaj prizonuloj kaj iliaj proksimuloj

La organizaĵo por helpo al naciaj politikaj prizonuloj kaj iliaj proksimuloj - germane Hilfsorganisation für nationale politische Gefangene und deren Angehörige e.V. (HNG) - estis organizaĵo, kiu prizorgis kaj subtenis dekstrajn ekstremistojn kondamnitajn je malliberiĝo en malliberejoj de Germanio. En septembro 2011 la asocio havis 600 membrojn, kaj sekve estis inter la plej fortaj dekstre ekstremismaj organizaĵoj en Germanio. Sian lastan administran sidejon la asocio havis en Frankfurto ĉe Majno, dum la lasta poŝta adreso estis en Majenco. La 21-an de septembro 2011 la registaro de Germanio malpermesis la organizaĵon.

Taskoj de la organizaĵoRedakti

La malliberigitaj "samideanoj", kiun la organizaĵo nomis "politikaj malliberigitoj" aŭ "naciaj malliberigitoj", ricevis propagandan materialon de la organizaĵo, ricevis ofertojn pri "leteramikecoj" kaj novaj kontaktoj al la dekstre ekstremisma movado, kaj krome ricevis financan subtenon. Tiun helpon la organizaĵo ankaŭ ofertis al ĝis nun neorganizitaj dekstraj ekstremuloj kaj al malliberigitoj sen politika konvinko, por gajni ilin por la dekstre ekstremisma movado. Krome la organizaĵo peris advokatojn en procesoj kontraŭ novnazioj kaj jure subtenis la akuzitojn en tiaj procesoj.

Celo de la psika kaj financa subteno estis teni altan "batalan moralon" de la novnaziaj malliberigitoj kaj eviti ke ili pro frustriĝo pri la malliberigo forlasus la novnaziisman movadon.

Eksteraj ligilojRedakti

Ĉi tiu artikolo ankoraŭ estas ĝermo pri politiko.

Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).