Papa Akademio por la Vivo
Papa Akademio por la Vivo (latine: Pontificia Academia Pro Vita), mallongige PAV, estas institucio de la Katolika Eklezio kies “celo koncernas la progreson de la esploroj kaj informado kaj formado pri la precipaj problemoj de la bioetiko kaj juro, rilate la promocion kaj protektadon de la homa vivo, konsideritajn sub lumo de la kristana moralo”. [1].
| Papa Akademio por la Vivo | ||
|---|---|---|
| Pontificia Acadēmīa prō Vītā | ||
papa akademio 
| ||
| Komenco | 11-a de februaro 1994 vd | |
| Agareo |
human population planning | |
Ĝi agadas en ĉiama akordo kun la Papa Koncilio de pastoralo de la Sanitaraj Deĵorantoj kaj estas nuntempe rekte protektata de la ĉefpontifiko Benedikto la 16-a. Nuna (2010) prezidanto estas episkopo Ignacio Carrasco de Paula
Plia priskribo
redaktiKiel la Papa Akademio de la Sciencoj, ankaŭ tiu Akademio estas konsiderata heredanto de la Nacia Akademio de la Linkoj, fondita en Romo en 1603 de Federico Cesi je la tempoj de papo Klemento la 8-a. Ĝia moderna statuto estas difinita en Vitae Mysterium de papo Johano Paŭlo la 2-a. En ĝi estas establitaj la apartaj celoj de la institucio. Kiuj estas:
- Studo pri la problemoj koncernantaj la protektadon de la homa vivo kaj la dignon de la persono;
- Promocio de kulturo de vivo kiu respektu la instruon de la Eklezio;
- Informi la Eklezion, la instituciojn kaj la amaskomunikilojn pri la rezultoj de propraj esploroj.
La ordinaraj membroj de la Akademio estas sepdeko, nomumitaj de la papo baziĝanta sur biomedicinista kaj humanista profesieco kaj kompetenteco, sen iu ajn religia kaj nacia diskriminacio. Akceptinte la taskon oni engaĝiĝas ankaŭ esplori kaj komuniki laŭ sincereco kaj honesteco.
Ĝia prezidento, helpata de membra konsilio kaj eklezia konsilisto, havas la taskon kunvoki la asembleon, stimuli aktivecon, administri laŭ la statuta dekreto.
La asembleo plenkonvenas kutime dum ĉiujara februaro.
Deklaroj de la Asembleo
redaktiEn 2000 la Akademio publikigis komunikaĵon pri la “pilolo de la posta tago” invitante al la konscienca morala obĵeto antaŭ tiu agreso kontraŭ la homa embrio ĉar tiu pilolo forĵetas ovociton jam fekunditan, nome vera homo, laŭ la katolika doktrino.
Kronologio pri la prezidentoj
redakti- Jérôme Lejeune (februaro - aprilo 1994)
- Juan de Dios Vial Correa (aprilo 1994 - decembro 2004)
- Elio Sgreccia (decembro 2004 - junio 2008)
- Salvatore Fisichella (junio 2008 - junio 2010)
- Ignacio Carrasco de Paula, junio 2010
Notoj
redakti- ↑ Papo Johano Paŭlo la 2-a, motu proprio, Vitae Mysterium, de 11a de februaro 1994.