Paul Frommer
Paul Robert Frommer (naskiĝis la 17 -an de septembro 1944 en Novjorko, Nov-Jorkio, Usono) estas usona lingvisto.
| Paul Frommer | ||
|---|---|---|
| Persona informo | ||
| Naskiĝo | 17-an de septembro 1944 (79-jaraĝa) en Nov-Jorko | |
| Ŝtataneco | Usono  vd
| |
| Alma mater | Universitato de Roĉestro Universitato de Suda Kalifornio vd
| |
| Profesio | ||
| Okupo | lingvisto universitata instruisto vd
| |
| vd | Fonto: Vikidatumoj | |
Kariero
redaktiLi estas Profesoro pri Klinika Administrada Komunikado ĉe la Universitato de Suda Kalifornio (USC) Marshall School of Business kaj Linguistic Advisor por Lightstorm Entertainment, la produktentrepreno de reĝisoro James Cameron.
Frommer studis ĉe la Universitato de Roĉestro kaj ĉe la Universitato de Suda Kalifornio; li verkis sian disertaĵon pri la sintakso de persa parollingvaĵo kun Bernard Comrie en 1981.
De 2005 ĝis 2008 li estis direktoro de la Centro por Administrado-Komunikado ĉe USC.
Laŭ Frommer, li lernis dek kvin lingvojn pli-malpli bone, inkluzive de la hebrea, la germana kaj la ĉina, sed ĉefe la persa, pri kiuj li ankaŭ verkis sian disertaĵon. Li lernis la malajan dum dujara restado en Malajzio. Tamen, Frommer emfazas ke li povas nur vere paroli la anglan flue.
Paul Frommer iĝis konata al pli granda publiko kiel la kreinto de la Na'vi-lingvo, artefarita lingvo kiun li evoluigis inter 2005 kaj 2006 specife por la filmo Avatar, kies vortprovizon li kontinue vastigis de proksimume 300 vortoj ekde la komenco. Ĝis nun (novembro 2018) ĝi konsistas el ĉirkaŭ 2400 vortoj kaj ampleksa gramatiko.
Fontoj
redakti- Frommer, Paul Robert: Postverbal Phenomena in Colloquial Persian Syntax, Universitato de Suda Kalifornio, 1981
- Edward Finegan, Paul R. Frommer: Rigardante lingvojn: Laborlibro en Elementa Lingvistiko, 1-a Eldono Fort Worth, Teksaso, 1999; 4-a eldono 2008
Eksteraj ligiloj
redakti- profilo de Paul Frommer ĉe USC
- la blogo de Frommer pri la Na'vi lingvo
- LearnNavi.Org - Na'vi vortaro (plurlingva), gramatika gvidilo kaj pli
- Televidintervjuo kun Paul R. Frommer pri la Na'vi-lingvo en ABC News
- Mallonga CV en la retejo de Universitato de Suda Kalifornio Arkivigite je 2009-12-26 per la retarkivo Wayback Machine
- Artikolo en la New York Times
- Radiointervjuo kun Paul R. Frommer en Southern California Public Radio[rompita ligilo]
- Mallonga artikolo pri Paul Frommer en Deutschlandradio