Paweł Janik
Paweł Janik (naskiĝis la 28-an de junio 1895 en Hacie apud Racibórz, mortis la 7-an de aŭgusto 1978 en Panewniki), pola katolika kleriko, esperantisto.
| Paweł Janik | |
|---|---|
| Persona informo | |
| Naskiĝo | 28-an de junio 1895 |
| Morto | 7-an de aŭgusto 1978 (83-jaraĝa) en Panewniki |
| Lingvoj | Esperanto |
| Ŝtataneco | Pollando |
| Okupo | |
| Okupo | esperantisto |
Vivo redakti
Paweł Janik finis mezlernejon en Chorzów, en la jaroj 1915-1920 (kun paŭzo por soldatservo dum la unua mondmilito) frekventis al Supera Animzorga Seminario en Vroclavo, kie julie 1920 ordiniĝis. Laboris kiel vikario en Łagiewniki, Tarnowskie Góry kaj Malnova Chorzów. Julie 1929 estis nomumita paroĥestro de nova paroĥo en Świerklany (distrikto Rybnik). Tiupostene okupiĝis pri konstruo de preĝejo (poste ankaŭ de paroĥestrejo) kaj pri socia agado. Li kontribuis al ekesto de kvar filioj de Katolika Agado. La milita periodo damaĝis lian sanon; post la milito okupiĝis pri rekonstruo de la preĝejo, sed fine en 1947 estis translokigita al malpli granda paroĥo en Gierałtowice (distrikto Gliwice). En 1962 transiris al la stato de ripozo, lastajn dekkelkajn vivjarojn pasigis en Panewniki.
Pastro Janik, kune kun frato Maksymilian (ankaŭ kleriko), apartenis al frontaj polaj esperantistoj en Silezio. Fine de la 20-aj jaroj de la 20-a jarcento fondis Propagandan Fakon de Pola Katolika Esperanto-Unio, estanta filio de Internacia Katolika Esperanto-Unio. Laboro pri vivigo de memstara pola organizaĵo asociiĝanta katolikojn-esperantistojn rompis por kelkaj jaroj lian intensan agadon en la paroĥo; finfine en 1938 fondiĝis sub lia gvido Pola Katolika Esperanto-Ligo kun sidejo en Świerklany. La organizaĵon apogis primaso Hlond, kaj de la medio simila al la Ligo devenis interalie esperantisto pastro Henryk Paruzel.
En 1970 festis jubileon de la 50-jariĝo de la ordino. Unu el parolistoj dum la jubileaj solenaĵoj estis apostola administranto Bolesław Kominek (estonta vroclava ĉefepiskopo kaj kardinalo), kiu kunlaboris kun la pastro Janik ankoraŭ dum lia laboro en Świerklany. Pastro Kominek diris i.a.: Mi trapasis preskaŭ ĉiujn landojn de Eŭropo kaj povas kuraĝe konstati, ke inter klerikaro la plej laboremaj estas sacerdotoj en Pollando, kaj inter la polaj sacerdotoj al la plej fervoraj membriĝas la sileziaj, kaj ĉe la pinto de la lastaj sendube staris pastro Paweł Janik.
Li mortis en la aĝo de 83 jaroj en Katowice-Panewniki, entombigita en paroĥa tombejo en Świerklany. Distingita de papo Pio la 11-a per ora kruco de la papa ordeno Pro Ecclesia et Pontifice. Lian nomon portas unu el stratoj de Zabrze.
Vidu ankaŭ redakti
Eksteraj ligiloj redakti
- sylwetka na stronie parafii Św. Anny w Świerklanach Arkivigite je 2016-03-05 per la retarkivo Wayback Machine Silueto en la paĝo de paroĥejo