La reĝinoj de Francio kaj famaj virinoj estas serio de dudek skulptaĵoj starantaj subĉiele ekde la mezo de la 19-a jarcento en la ĝardeno de Luksemburgio en Parizo, en Francio.
Situo de la statuoj ĉirkaŭ la granda baseno de la ĝardeno de Luksemburgio en Parizo.
La serio Reĝinoj de Francio kaj famaj virinoj konsistas el dudek skulptaĵoj starantaj sur la promenejo superanta la centran florbedon kaj la grandan basenon, antaŭ la palaco Luksemburgo. Kvankam la statuoj estis faritaj de malsamaj skulptistoj, ĉiu estas sammodelaj : staranta portreto de elstara virino en la historio de Francio, el blanka marmoro. Ĉiu statuo altas inter 2,30 m kaj 3,80 m kaj staras sur ŝtona piedestalo, kun en medaliono la nomo, la titolo kaj la naskiĝdato kaj mortodato de la persono.
La ĝardeno de Luksemburgio estis kreita laŭ iniciato de Maria de Mediĉo en 1612. Ekde 1799, la palaco Luksemburgo gastigis la Senaton kaj okazis pluraj modigoj komence de la 19-a jc. Ekde 1836, la duoncirkla amfiteatro estis pligrandigita, deviganta movi la florbedojn je tridek da metroj.
La elekto de honorataj virinoj estis farita de Ludoviko-Filipo (kiu reĝis de 1830 ĝis 1848). Plej multaj skulptaĵoj estis menditaj en ĉirkaŭ 1843, pagitaj po 12 000 frankoj kaj ĝenerale ekspoziciataj en la foiroj de 1847 ĝis 1848 antaŭ ol esti inaŭgurataj[1].
La statuo de Johana de Arko de François Rude estis konsiderata kiel tro fragila por resti subĉiele kaj eniris en la muzeo Luvro en 1872. Konsekvence, la franca ŝtato mendis en 1874 anstataŭan statuon al Ferdinand Taluet por 7 000 frankoj. Prezentanta Margaretan de Anĵuo, ĝi estis instalata en 1877 kaj prezentata en la foiro de 1895.
