René Lajarte
René DUFAURE DE LAJARTE [dö laĵart] (mortis en 1944)[1] estis franca juristo, prefekteja oficisto kaj sekretario de la Lingva Komitato (L.K.), de 1925 ĝia membro.
Lajarte skribis pri Esperanto en Parizaj ĵurnaloj kaj kunlaboris en multaj Esperantaj gazetoj, ekzemple en La Revuo. Li estis la helpanto de Théophile Cart por administro de la L.K. (1924-1931) kaj poste prizorgis sola la funkciadon de la Lingvaj Institucioj (1931-1933).
Kunlabore li verkis kelkajn listojn de fakaj terminoj, ekzemple la "Petit vocabulaire de termes diplomatiques" (1930, Malgranda vortaro de diplomatiaj terminoj, 8 p.). Lajarte kolektis kunlabore kun Salomon Kornfeld (pseudonimo Grenkamp): Vortoj de Profesoro Th. Cart, (1927).
Eksteraj ligiloj
redakti- Libroj[rompita ligilo] de kaj pri René Lajarte en la Kolekto por Planlingvoj kaj Esperanto-Muzeo
- Artikoloj Arkivigite je 2008-05-09 per la retarkivo Wayback Machine de kaj pri René Lajarte en Elektronika Bibliografio de Esperantaj Artikoloj (EBEA)
Fontoj
redakti- ↑ Niaj mortintoj 1939–1945, en: Esperanto septembro-oktobro 1946, paĝo 5.