Romba tridekedro

En geometrio, la romba tridekedro estas konveksa pluredro kun 30 rombaj edroj. Ĝi estas katalana solido kaj zonopluredro. Ĝi duala pluredro estas la dudek-dekduedro. Ĉar ĝi estas katalana solido do ĝi estas edro-transitiva kun malregulaj edraj plurlateroj.

Romba tridekedro
Bildo
Klaku por rigardi turnantan bildon
Speco Katalana solido
Latero-transitiva, zonopluredro
Edra figuro V3.5.3.5
Verticoj 32
Lateroj 60
Edroj 30
χ 2
Geometria simetria grupo Ih
Duedra angulo 144°
Duala Dudek-dekduedro
Bildo de duala Bildo de duala
Information icon.svg
vdr

La rilatumo de la longa diagonalo al la mallonga diagonalo de ĉiu edro estas la ora proporcio φ. La akutaj anguloj de ĉiu edro estas 2 tg−1(1/φ) = tg−1(2), aŭ proksimume 63.43°. Ĉiu el ĉi tiaj romboj estas nomata kiel ora rombo.

La romba tridekedro estas unu el la naŭ latero-transitivaj konveksaj pluredroj, ili estas 5 platonaj solidoj, kubokedro, dudek-dekduedro, romba dekduedro kaj romba tridekedro.

La romba tridekedro estas unu el projekcioj de 6-dimensia hiperkubo al 3 dimensioj.

UzojRedakti

La romba tridekedro estadas uzata kiel ĵetpluredro kun 30 edroj (d30).

Vidu ankaŭRedakti

ReferencojRedakti

  • Williams, Robert. (1979) The Geometrical Foundation of Natural Structure: A Source Book of Design - La Geometria Fundamento de Natura Strukturo: Fonta Libro de Dizajno. Dover Publications, Inc. ISBN 0-486-23729-X. (Sekcio 3-9)

Eksteraj ligilojRedakti