Seiiĉi Kato
Seiiĉi Kato (加藤 静一, ankaŭ latinliterigita Seiichi Katō, naskiĝis en 1910, mortis en 1987)[1] estis japana esperantisto kaj kuracisto, specialiĝinta pri oftalmologio. Li laboris en pluraj oftalmologiaj klinikoj de Japanio, laste en tiu de la universitato Ŝinŝu (japane 信州大学, Shinshū-Daigaku) de la urbo Macumoto de gubernio Nagano.[2] En Esperantujo li plej konatiĝis pro sia lernolibro pri oftalmologio, kiu aperis en ĝis nun 3 eldonoj, en 1959 kaj 1963 en Japanio, reviziita fare de André Albault, kaj je modernigita enpaĝigo en 1994 en eldonejo de Germanio. Krome li plurfoje publikigis esperantlingvajn artikolojn en Medicina Revuo.[3]
| Seiiĉi Kato 加藤 静一 | |
|---|---|
| Persona informo | |
| Naskiĝo | 1910 |
| Morto | 1987 |
| Lingvoj | Esperanto |
| Ŝtataneco | Japanio Japana Imperio (–1947) 
|
| Okupo | |
| Okupo | esperantisto
|
| Esperanto | |
| Verkis en Esperanto | lernolibro pri oftalmologio |
Referencoj
redakti- ↑ plej koncizaj informoj pri li en retejo webcatplus.nii.ac.jp japane
- ↑ informo sur la dorsa kovrilpaĝo de la 3-a eldono de la libro "lernolibro pri oftalmologio"
- ↑ esperanta medicina literaturo inter 1951 kaj 1986, dosiero en formato PDF
