Siglind-Erika Schmalzriedt
Siglind-Erika SCHMALZRIEDT [ZI:Glint E:rika ŜMALCri:d] nomata Sinjo (naskiĝis en 1938 en Königsberg) estis germana esperantistino.
| Siglind-Erika Schmalzriedt | |
|---|---|
| Persona informo | |
| Naskiĝo | en 1938 en Kenigsbergo, germana Regno |
| Lingvoj | Esperanto • germana |
| Ŝtataneco | Germanio |
| Okupo | |
| Okupo | esperantisto • verkisto |
En 1951 ŝi kiel 14-jara knabino tute sola travojaĝis Eŭropon pere de Esperanto, pri kio raportis centoj da eŭropaj ĵurnaloj kaj radiostacioj. Mallonge poste aperis ŝia germanlingva libro "Sinjos Sprung über die Grenzpfähle" (la salto de Sinjo super la limfostoj), kiu instigis multajn germanajn junulojn lerni Esperanton. La libro klare esprimis subtenon al la tiam tre aktuala idealo pri kreo de eŭropa identeco,[1] la revon pri forigoj de fizikaj kaj mensaj baroj inter la landoj kaj nacioj de Eŭropo kaj adresis ankaŭ la sopiron de multaj junaj germanoj esti respektataj en la najbaraj landoj kiel pacemaj entuziasmuloj, kiuj ne mem kulpis pri la krimoj de la dua mondmilito.
Poste montriĝis, ke la libron pri la sukcesa vojaĝo de sia filino efektive verkis ŝianome la patro Wilhelm "Willy" Oscar Schmalzriedt, kiu sekve (tre sukcese) uzis sian filinon kiel Esperanto-propagandilon. Post la morto de la patro, Sinjo forĵetis la patrajn esperantaĵojn kaj rompis ĉiujn kontaktojn al esperantistoj.
Verkoj redakti
- Schmalzriedt, Siglind-Erika: Sinjos Sprung über die Grenzpfähle. 2-a eldono, Veitsberg-Verlag, Ravensburg 1953, 192 p.
Poemo pri Sinjo redakti
247) Al Sinjo
Ĉu tiom vin ĝojigi povos mia
Verdstela lernolibra poezia?
Ricevu ĝin kun la sincera diro
De mil salutoj kaj de la deziro
Ke via multvalora varb-laboro
Por Esperanto ĉiam plu sukcesu
Kaj ke min via kara juna koro
Ne eble troe baldaŭ jam forgesas.
poemo de Karl Vanselow
el: Nia lingvo Esperanto, Tria kajero de la tria serio
Referencoj redakti
- ↑ Ulrich Lins: "Die ersten hundert Jahre des Esperanto" (la unuaj cent jaroj de Esperanto), paĝo 111, en formato "e-papera"