Ĉiapasa Patrinmontaro
Ĉiapasa Patrinmontaro (en Meksiko konata kiel Sierra Madre de Chiapas, en Gvatemalo tutsimple kiel Sierra Madre) estas montara sistemo kiu disvolviĝas nordokcidenten-sudorienten de la subŝtato de Ĉiapaso en Meksiko tra tuta Gvatemalo, Salvadoro kaj Honduro. La plej multaj el la vulkanoj de Gvatemalo estas parto de tiu montaro.
| Ĉiapasa Patrinmontaro (hispane : Sierra Madre de Chiapas) | |
| Sierra Madre | |
| montaro | |
 Vulkanoj de Ĉiapasa Patrinmontaro, Gvatemalo
| |
| Landoj | Meksiko  , Gvatemalo  , Salvadoro  , Honduro 
|
|---|---|
| Parto de | Kordilero |
| Plej alta | Taĥumulko-Vulkano |
| - alteco | 4 220 m s. m. |
| - koordinatoj | 15° 2′ 37″ N 91° 54′ 11″ U / 15.04361 °N, 91.90306 °U (mapo) |
| Longo | 200 km (124 mi), nordokcidenten-sudokcidenten |
| Larĝo | 65 km (40 mi) |
| Areo | 2 125 km² (212 500 ha) |
| Geologia konsisto | Vulkanoj |
| Biomo | Tropikaj kaj subtropikaj humidaj foliarbaroj |
 Situo de Ĉiapasa Patrinmontaro rilate al Terkolo de Tehuantepeko
| |
 | |
 Vikimedia Komunejo: Sierra Madre de Chiapas
| |
Mallarĝa marborda ebenaĵo situas sude de la montaro, inter Ĉiapasa Patrinmontaro kaj Pacifika Oceano. En la nordo troviĝas serion de altebenaĵoj kaj depresioj, inkluzive de Ĉiapasa Depresio, kiu apartigas Ĉiapasan Patrinmontaron de Ĉiapasa Altebenaĵo, de Gvatemalaj Altebenaĵoj, kaj de la landinternaj altebenaĵoj de Honduro.
Ĉiapasa Patrinmontaro konstituas la ĉefan akvodislimon inter la pacifikaj kaj la atlantikaj riversistemoj. Je la pacifika flanko de Ĉiapasa Patrinmontaro, la distanco al la maro estas mallonga, kaj la riveretoj, dum tre multnombraj, estas sekve malgrandaj kaj rapidaj. Kelkaj el la riveroj de la pacifika deklivaro fakte disvolviĝas en la Gvatemalaj Altaĵoj, kaj trafluas Ĉiapasan Patrinmontaron en la fundo de profundaj ravinoj. Je la orienta flanko kelkaj riveroj ekhavas tre konsiderindan disvolviĝon.
