'''Petar Stefanov Stojanov''' ([[bulgare]] Петър Стефанов Стоянов) (naskiĝis {{naskiĝtago|1952|5|25}}, do nun {{aĝo|1952|5|25}}-jara) estis la prezidantoprezidento de [[Bulgario]] inter la jaroj [[1997]] kaj [[2002]]. Li venkis en la prezidanta baloto de 1996 kiel kandidato de la konservativa partio [[Unio de Demokratiaj Fortoj (Bulgario)|Unio de Demokratiaj Fortoj]], ricevante pli da voĉoj ol la komunista kandidato ''Ivan Marazov'' kaj la kandidato de la ''Bulgaria Komerca Bloko, Georgi Ganĉev'', en la unua balotoparto, kaj ankaŭ venkante kontraŭ Marazov en la dua, decida parto. En la unua parto de la prezidenta baloto de 2001 li havis la duan lokon, kiam [[Georgi Parvanov]] ricevis 36.3%, Stojanov ricevis 34.9% kaj la tria plej sukcesa kandidato, ''Bogomil Bonev'' ricevis 19.2%. Stojanov tamen tiam malgajnis la duan, decidan parton kontraŭ Purvanov (53.3% resp. 46.7%). Post forlaso de sia prezidanta pozicio li dum tri jaroj evitis la atenton de la amaskomunikiloj. Pli poste tamen li revenis al la aktiva politikumado. En 2005 li elektiĝis membro de la 40-a nacia asembleo. Post la malsukcesa rezulto de la partio UDF en la baloto (8.4 % de la voĉoj kaj 20 el 240 parlamentaj seĝoj) li kulpigis la partiestrinon ''Nadeĵda Mihailova'' kaj kritikis ŝian politikon.
En la unuaj Eŭropaj balotoj de Bulgario, la 20-an de majo 2007, Stojanov - gvidanta sian partion - malsukcesis elektiĝi ĉar lia partio ricevis malpli ol la minimuman nombron de voĉoj. Sekve li demisiis kiel partiestro.
