Fouad Mebazaâ: Malsamoj inter versioj

Post la lernejaj jaroj en gimnazio en Tunizo, Fouad Mebazaâ studis juron kaj politikajn sciencojn en [[Parizo]], finante la studon per diplomoj en ambaŭ fakoj. Post li laboris en diversaj privataj entreprenoj kaj ŝtataj institucioj, inter alie li inter 1965 kaj 1967 gvidis la ŝtatan oficejon pri nacia sekureco. En 1954 li iĝis membro de la tunizia politika grupiĝo Néo-Destour ("nova konstitucio") en suda Francio, en 1955 ties ĝenerala sekretario kaj en 1956 prezidanto de la grupo en [[Montpellier]]. En 1964 la partio ŝanĝis sian nomon al "Partio Socialista DemokrataDestour-Partio" (france Parti Socialiste Destourien, arabe الحزب الاشتراكي الدستوري), kaj li iĝis membro de ties centra komitato, de 1975 ĝis 1981 ankaŭ membro de la partia "politburoo" (politika estraro). En 1988 la partio denove ŝanĝis sian nomon kaj ĝis nun nomiĝas [[Konstitucia Demokratia Kolektiĝo]]; Fouad Mebazaâ ekde 1988 estas membro de la centra komitato de la partio, en 1993 reelektiĝis, kaj ekde 1997 ree estas membro de la partia "politburoo". Krome ekde la jaro 1964 li estas membro de la nacia parlamento kaj ekde 1997 estas la prezidanto de la ''ĉambro de deputitoj'' de la tunizia duĉambra parlamento.

Inter la jaroj 1969 kaj 1973 li estis urbestro de [[Tunizo]], kaj tiam iĝis ministro pri sporto kaj junularo en la registaro de la prezidanto [[Habib Bourguiba]]. Post kvin jaroj, en 1978, li iĝis ministro pri sano, kaj jaron poste, en 1979, pri kulturo kaj informado. Inter 1981 kaj 1986 li estis ambasadoro de Tunizio ĉe la [[Unuiĝintaj Nacioj]] en [[Ĝenevo]], kaj de 1986 ĝis 1987 krome ambasadoro en [[Maroko]]. Paralele al tiuj registaraj kaj diplomatiaj postenoj, li inter 1975 kaj 1980 estis la urbestro de [[La Marsa]] kaj de 1995 ĝis 1998 de [[Kartago]].