[[Dosiero:Schieferhaus Gehren.JPG|eta|<center>ardeze kovritaj domoj kiel ĉi-tie en [[Gehren]] en multaj lokoj karakterizas la vilaĝojn kaj urbetojn de la regiono]]
La '''Turingia SkistaArdeza Montaro''' - [[germane]] ''Thüringer Schiefergebirge'' [prononco "'''Ty'''ringa Ŝifagebirge"] aŭ ''Thüringisches Schiefergebirge'' ["'''Ty'''ringiŝes Ŝifagebirge"] - estas [[mezalta montaro]] en la [[federacia lando (Germanio)|federacia lando]] [[Turingio]] de [[Germanio]], ĉefe en la [[distrikto (Germanio)|distriktoj]] [[distrikto Ilm|Ilm]], [[distrikto Sonneberg|Sonneberg]] kaj [[distrikto Saalfeld-Rudolstadt|Saalfeld-Rudolstadt]]. Ĝi longas proksimume 75 kilometrojn okcidente-oriente kaj larĝas 50 kilometrojn nord-sude. La montaraj valoj altas inter 300 kaj 500 metrojn super la [[marnivelo]], kaj la plej grandaj montoj atingas altecon de ĝis 869 metroj (plej altas la monto ''Großer Farmdenkopf'' en [[distrikto Sonneberg]]).
== Geografio ==
La Turingia SkistaArdeza Montaro estas la sudorienta daŭrigo de la - do pli okcidenta - mezalta montaro [[Turingia Arbaro]]. Ĝia kerno estas altebenaĵo proksimume 20 kilometrojn larĝa, kaj la areo kovras parton el la valo de la rivero [[Saale]], inkluzive de la grandaj riveraj akvobaraĵoj. La teritorio ampleksas partojn de la "Natura Parko Turingia Arbaro" (''Naturpark Thüringer Wald'') kaj de la "Natura Parko Turingia SkistaArdeza Montaro-Supra [[Saale]]" (''Naturpark Thüringer Schiefergebirge-Obere Saale'').
Li grandaj urboj en la teritorio estas [[Saalfeld]] kaj [[Bad Blankenburg]] ĉe la norda rando, [[Neuhaus am Rennweg]] ĉe la plej alta montolinio kaj [[Bad Lobenstein]] ĉe la orienta rando (proksime al la transiro al la najbara mezalta montaro [[Frankonia Arbaro]]).
