Aŭklanda Regiono

La Aŭklanda Regiono (maorie Tāmaki Makaurau) estas unu el la 16 novzelandaj regionoj, nomita laŭ la ĉefurbo Aŭklando, kiu estas la plej granda urba areo de Novzelando. La regiono enhavas la urban regionon de Aŭklando, pli malgrandajn urbojn kaj antaŭurbojn, kamparan areon, kaj la insulojn de la Golfo Hauraki. Enhavante 33% de la tutlandaj loĝantoj, ĝi havas la plej grandajn loĝantaron kaj ekonomion en la lando, sed la dua plej malgrandan tersurfacon.

Aŭklanda Regiono
Regiono
regiono de Nov-Zelando [+]
Lando	Novzelando
Supermara alteco	15 m [+]
Ĉefurbo	Aŭklando
- koordinatoj	37° S, 175° O (mapo)-36.9174.78333333333
Areo	4 894 km² (489 400 ha) [+]
Loĝantaro	1 571 718 [+] (6-a de marto 2018)
Denseco	321,15 loĝ./km² [+] [+]
Horzono	UTC+12:00 [+]
ISO 3166-2	NZ-AUK
Aŭklanda Regiono (Tero)
Aŭklanda Regiono (Nov-Zelando) DEC Aŭklanda Regiono
Aŭklanda Regiono
Vikimedia Komunejo:  Auckland Region [+]
En TTT: Oficiala retejo [+]

Je la 1-a de novembro 2010, la Aŭklanda Regiono iĝis Unueca Aŭtoritato, administrita per la Aŭklanda Konsilio, anstataŭigante la ĝis tiamajn regionan konsilion kaj sep lokajn konsiliojn.

Geografio

Verkolora bildo de la aŭklanda regiono, montrante Auckland kiel bruna areo maldekstren kaj la Golfo Hauraki dekstren.

Situas en la Norda Insulo, la regiono etendiĝas norde el la buŝo de la Golfo Kaipara, trans suda parto de la Duoninsulo Nordlanda, preter la Montoĉeno Waitakere kaj la Aŭklanda Istmo, kaj trans la malalta tero ĉirkau la golfo Manukau. Finas la regiono proksime al la buŝo da la rivero Waikato. Norde, ĝi estas regionlime kun la Regiono Nordlanda, kaj sude kun la Regiono Waikato. Ankaŭ enhavataj estas la insuloj de la Golfo Hauraki (tiuj insuloj nomiĝas: Browns, Granda Bariero, Kavaŭ, Malgranda Bariero, Motuihe, Motutapu, Pakatoa, Pakihi, Ponui, Rakino, Rangitoto, Rotoroa, Tarahiki, Tiritiri Matangi, Waiheke, Whanganui kaj la Insuloj Motukawao-j).

Historie, la Montaro Hunua kaj la apuda marbordo de la Marbranĉo Thames estis konsideritaj kiel parto de Aŭklando, sed translokiĝis al la najbara Regiono Waikato je la komenco de la unueca aŭtoritato en 2010.

Tersurface, krome de la Regiono Nelson, ĝi estas malpli granda ol la aliaj 15 regionoj kaj unuecaj aŭtoritatoj. La plej alta loko en la regiono estas la 722 metraj pinto de Monto Hauturu, sur Insulo Malgranda Bariero.