Amorvjolo
La amorvjolo aŭ viola d'amore (prononce [ˈvjɔːla daˈmoːre][1]; en itala por "vjolo de Amoro") estas 7- aŭ 6-korda muzika instrumento kun simpatiaj kordoj uzata ĉefe en la periodo de Baroka muziko. Ĝi estas ludita sub la mentono per la sama maniero kiel la violono.
La viola d'amore kunhavas multajn trajtojn de la familio de vjoloj. Ĝi aspektas kiel pli fajna vjolo sen fretoj kaj foje kun simpatiaj kordoj aldonitaj.[2] La ses-korda viola d'amore kaj la akuta vjolo havas proksimume la saman gamon de ludeblaj notoj. Kiel aliaj vjoloj, ĝi havas ebenan dorson.
La nomo viola d'amore rilatas al la bildo de Amoro kiu kutime estis metita sur la pinto de la fretmasto.
Notoj redakti
- ↑ Prononco de viola en Oxford Advanced Learner's Dictionary Alirita la 22an de septembro 2019.
- ↑ "Viola d'Amore or Treble Viol". The University of Edinburgh. Alirita la 22an de septembro 2019.