Elektra kurento de Planck

En fiziko, la elektra kurento de Planck I_P estas la mezurunuo de elektra kurento en sistemo de naturaj unuoj de Planck.

1 – konduktiloj,
F_p – forto de Planck,
l_p – longo de Planck,
I_p – elektra kurento de Planck.

Ĝi egalas al

$I_{P}={\frac {q_{P}}{t_{P}}}={\sqrt {\frac {c^{6}4\pi \varepsilon _{0}}{G}}}$

kie

• c estas lumrapideco en vakuo;
• G estas gravita konstanto;
• ε₀ estas elektra konstanto;
• q_P estas elektra ŝargo de Planck;
• t_P estas tempo de Planck.

Ĝia valoro estas

I_P ≈ 3,47888(17) · 10²⁵ A

La ĉeferarujo de la pritaksita valoro estas metita en krampoj.

Pli elvolvita formo de ĉi tiu lasta esprimo estas I_P = 3,47888 · 10²⁵ A ± 0,00017 · 10²⁵ A.

Necerteco de la valoro estas ĉefe pro necerteco de la gravita konstanto G. Relativa necerteco de I_P preskaŭ egalas al tiu de G dividita per 2. Vidu plu en unuoj de Planck#Necertecoj de valoroj.

Fizika signifeco

1 elektra kurento de Planck estas tiu kurento, ĉe kiu 1 ŝargo de Planck trairas dum 1 tempo de Planck.

Ankaŭ, la elektra kurento de Planck estas tiu kurento, kiu, irante tra ĉiu el du rektaj paralelaj konduktiloj de malfinia longo kaj ignoreble malgranda cirkla sekco, situantaj je distanco de 1 longo de Planck inter si en vakuo, kaŭzas inter la konduktoroj forton egalan al 1 forto de Planck por ĉiu 1 longo de Planck de longo de la konduktiloj.

Ankaŭ estas interrilatoj (el kiuj la unua estas simila al la leĝo de Omo kaj la dua estas simila al la leĝo de Joule-Lenz)

$I_{P}={\frac {V_{P}}{Z_{P}}}={\frac {P_{P}}{V_{P}}}$

kie

• V_P estas elektra tensio de Planck;
• Z_P estas elektra impedanco de Planck;
• P_P estas povumo de Planck.

Vidu ankaŭ

• Unuoj de Planck
• Naturaj unuoj
• Elektra kurento
• Elektra impedanco de Planck
• Elektra tensio de Planck

Eksteraj ligiloj

• NIST pri konstantoj kaj mezurunuoj