George MacLoskie
George MACLOSKIE (naskiĝis la 14-an de septembro 1834 en Castledawson, Irlando; mortis la 4-an de januaro 1920) estis irlanda natursciencisto.
| George MacLoskie | |
|---|---|
| Persona informo | |
| Naskiĝo | 14-an de septembro 1834 en Castledawson |
| Morto | 4-an de januaro 1920 (85-jaraĝa) en Princeton |
| Lingvoj | Esperanto |
| Ŝtataneco | Usono • Irlando |
| Alma mater | Reĝina Universitato de Belfast |
| Okupo | |
| Okupo | botanikisto • esperantisto |
Li studis natursciencon kaj fizikon en la Reĝina Universitato de Belfast ĝis 1958. Poste li studis teologion kaj de 1861 ĝis 1873 estis presbiteriana paroĥestro en Ballymoney.
De 1875 ĝis 1906 li estis profesoro pri biologio ĉe Universitato Princeton. Li fariĝis doktoro pro honoro de la Reĝina Universitato kaj de Universitato de Londono. Li membris en pluraj sciencaj asociaj kaj verkis librojn kaj artikolojn interalie pri insektoj kaj botaniko.
Liajn postlasaĵojn, ĉefe notlibrojn, gardas la biblioteko de Universitato Princeton. Interalie estas notlibroj pri Esperanto, ĉar Macloskie interesiĝis pri ĝi. Li publikigis artikolon pri La forteco de Esperanto (The strength of Esperanto) en la revuo Harper's Weekly la 6-an de oktobro 1906.
Lia tombo estas en Princeton. Speco de violoj estis nomita laŭ li Viola macloskeyi.
