Malpica de Tajo
Malpica de Tajo estas municipo de Hispanio, en la Provinco de Toledo, regiono de Kastilio-Manĉo.
| Malpica de Tajo | |||
|---|---|---|---|
 | |||
| municipo en Hispanio | |||
|
| |||
| Blazono | |||
| Administrado | |||
| Lando | Hispanio | ||
| Regiono | Kastilio-Manĉo | ||
| Provinco | Toledo | ||
| Komarko | Komarko de Torrijos | ||
| Poŝtkodo | 45692 | ||
| Retpaĝaro | Malpica de Tajo | ||
| Politiko | |||
| Urbestro | Jesús Cedena Sanchez-Cabezudo | ||
| Demografio | |||
| Loĝantaro | 2 120 (2010) | ||
| Loĝdenso | 26,5 loĝ./km² | ||
| Geografio | |||
| Geografia situo | 39° 54′ N, 4° 33′ U (mapo)39.9-4.5494444444444Koordinatoj: 39° 54′ N, 4° 33′ U (mapo) [+] | ||
| Alto | 398 m [+] | ||
| Areo | 80 km² (8 000 ha) | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo Malpica de Tajo [+]
| |||
.svg)
Toponimio redakti
La termino "Malpica" povus deveni el adverbo latina MALE (malbone) kaj la participo ina PICTAM, de la verbo PINGO, 'pentri aŭ farbi', kio igus 'malbone pentrita', 'malbone farbita' aŭ 'malbone ornamita'. Eblas ankaŭ versio pri mikso de antaŭromia radiko *mal, 'roko', kaj participo latina, kio igus 'pentrita roko'.[1] Tiu teorio baziĝas sur apero en dokumento de 1240 kiel Malpicta.[2] Aliaj fakuloj, studante toponimion similan, indikas version devenan el adjekto en latino MALVS, 'malbona', kaj la verbo picar (piki).
La komplemento rilatas al fakto ke la vilaĝo troviĝas borde de la rivero Taĵo.
Alia interpreto sugestas ke la nomo de Malpica devenas de planto samnoma, jam neuzata sed ofta ĝis la 17a jarcento. Ĉar tiu nomo ekzistas ankaŭ en aliaj lokoj same nomataj "Malpica", tio sugestas nomon alude al media elemento, kaj tiu versio ŝajnas pli simpla kaj rekta, do ankaŭ pli probabla.
Loĝantoj redakti
La loĝantoj nomiĝas Malpiqueños. La censita populacio en 2010 estis de 2.120 loĝantoj kaj la denseco estas de 26,5 loĝ/km².
Situo redakti
Malpica de Tajo estas situa en la okcidenta parto de Kastilio-Manĉo en la komarko aŭ distrikto Komarko de Torrijos en la centrokcidenta parto de la provinco de Toledo, je altitudo de 398 m; je 51 km el Toledo, provinca ĉefurbo. La areo de ties teritorio estas de 160,3 km². La geografiaj koordinatoj estas 39°54′0″ N 4°32′58″ Ok.
Geografio redakti
La municipo troviĝas situanta «sur ebenaĵo dekdtre de la rivero Taĵo»[3] ĉe Talavera de la Reina. Ĝi apartenas al la komarko de Torrijos kaj limaj kun la municipaj teritorioj de Cebolla kaj Mesegar de Tajo norde, El Carpio de Tajo oriente kaj sude, San Martín de Pusa sude kaj La Pueblanueva okcidente, ĉiuj de la provinco de Toledo.
La klimato estas kontinenta, mildigita de la medio. En la teritorio hegemonias makiso kaj kultivoj. Krom la rivero Taĵo, fluas ankaŭ la rivero Pusa kaj la rojo Cedena, alfluantoj de la unue menciita.
Ekonomio redakti
Agrikulturo kaj brutobredado tradicie. Situanta strategie meze inter Toledo kaj Talavera de la Reina, la loko lastajn jarojn starigis industrian povon, fokuze ĉefe sur la agrikulturo, furaĝoj kaj irigacio. Elstaras ankaŭ la vitejoj ĉe la rivero Taĵo kiu produktas bonkvalitajn vinojn kiaj fama "Señorío de Malpica". Elstaras ankaŭ la produktado de olivoleo.
Historio redakti
De nekonata deveno, sed jam ekzistanta en tempo de la romianoj. Krom ties apero en la menciita dokumento de 1240, aperas en aliaj kiej en tiu de konfirmo de la dono fare de Pedro la 1-a de la Senjorlando de Valdepusa al Diego Gómez, ĉefa notario, la 26an de majo de 1357, kie legeblas «... denos la justiçia en el señorío de Valdepusa, término de Talauera, que comienza desde el Alcanchal fasta en el río de Tajo, asy como parte con Mal pyca...»[4]
En 1599 oni kreis la titolon de markiso de Malpica laŭ ordono de Filipo la 3-a por don Pedro Barroso de Rivera, iĝante Malpica ĉefurbo de tiu senjorlando.
Monumentoj kaj interesaĵoj redakti
- Kastelo de Malpica: de la 14a jarcento.
- Preĝejo de Sankta Petro Apostolo.
- Ermitejo de Sankta Sebastiano: de la 19a jarcento.
- Ponto super la rivero Taĵo: konstruita fine de la 19a jarcento, el betono kaj centra arko el fero, sur ok cirklaj pilieroj el betono.
- Arkeologia kuŝejo de Las Tamujas.
- Fonto de la tri ŝprucoj, situanta ĉe la enirejo al la vilaĝo, borde de la rivero Taĵo.
Festoj redakti
- 20a de januaro: Sankta Sebastiano.
- 5a de aŭgusto: Virgulino de la Neĝoj.
Eksteraj ligiloj redakti
- Diputación de Toledo. Interesaĵoj.
- Kastelo de Malpica Arkivigite je 2008-02-22 per la retarkivo Wayback Machine
Notoj redakti
- ↑ García Sánchez, Jairo Javier, Toponimia mayor de la Tierra de Talavera, 1998, Excmo. Ayuntamiento de Talavera de la Reina, ISBN 84-88439-70-9.
- ↑ Archivo Histórico Nacional de España, Órdenes Militares, carpeta 442, 34.
- ↑ Pascual Madoz, Diccionario geográfico-estadístico-histórico de España y sus posesiones de Ultramar, Madrid, 1846-1850, Establecimiento tipográfico de P. Madoz y L. Sagasti, Vol. XI, paĝo 115
- ↑ Municipa Arkivo de Talavera de la Reina, dok. 12, dos. 50.