Stadice

Stadice estas vilaĝo en Ĉeĥio, parto de municipo Řehlovice en distrikto Ústí nad Labem situanta en valo de rivero Bílina proksime de Trmice. En la jaro 2011 ĉi tie estis registritaj 79 adresoj. En la jaro 2021 ĉi tie daŭre vivis 295 loĝantoj.

Stadice
vilaĝo
Monumento de Přemysl la Plugisto sur Reĝa kampo proksime de Stadice
Oficiala nomo: Stadice
Ŝtato	Ĉeĥio
Regiono	Regiono Ústí nad Labem
Distrikto	Distrikto Ústí nad Labem
Administra municipo	Řehlovice
Historia regiono	Bohemio
Montaro	Bohemia mezmontaro
Domoj	79 2011
Rivero	Bílina
Situo	Stadice
- koordinatoj	50° 37′ 04″ N 13° 58′ 00″ O (mapo)
Katastro	5,72 km² (572 ha) Stadice
Loĝantaro	295 (2021)
Denseco	51,57 loĝ./km²
Unua skribmencio	1125
Horzono	MET (UTC+1)
- somera tempo	MET (UTC+2)
Poŝtkodo	403 13
Situo enkadre de Ĉeĥio Situo enkadre de Ĉeĥio
Vikimedia Komunejo: Stadice
Portalo pri Ĉeĥio

Stadice estas ankaŭ nomo de katastra teritorio kun areo 5,72 km².

Historio

La unua skribmencio pri la vilaĝo devenas en Kroniko de Kosmas el la jaro 1125.

Ĝis duono de la 20-a jarcento en Stadice superis germana loĝantaro. Post la dua mondmilito okazis amasa ellandigo de plimulto de malnovloĝintoj kaj fakte la kompleta ŝanĝo de la loĝantaro.

Loĝantaro

Evoluo de loĝantoj kaj domoj.

	1869	1880	1890	1900	1910	1921	1930	1950	1961	1970	1980	1991	2001	2011	2016
Loĝantoj	236	215	210	232	260	240	274	215	267	261	230	141	171	267	290
Domoj	38	38	41	41	47	49	56	75	64	71	66	58	67	79

Mitoj

Reĝa kampo kun monumento de Přemysl la Plugisto

La loko estas konata precipe de la mito pri Přemysl la Plugisto. Laŭ la legendo estis el la kampo proksime de ĉi tie alvokita al la ĉeĥa trono fare de princino Libuše Přemysl la Plugisto.

	„ Tiu estonta princo via plugas kun du oksoj. Se estas plaĉe al vi, prenu ĉevalojn, pladojn kaj plejdojn kaj iru al tiu viro mesaĝon transdoni de mi kaj de la popolo kaj alkonduku al vi la princon kaj al mi la edzon. La viro tiu havas nomon Přemysl. Lia idaro regos al tiu ĉi lando por eterne. ” — Staré pověsti české

Laŭ tiu ĉi mito Přemysl post alveno de senditaro ĉesis plugi kaj avelarban plug-purigilon li enpikis en la teron kaj ĝi tuj ĉirkaŭkreskis per foliaro. Poste li turnis la plugilon kaj li gastigis sur ĝi la senditaron per pano kaj fromaĝo. Antaŭ ol li ekiris al la vojo ĝis Prago, li forpelis la oksojn, kiuj eniris en proksiman Oksan monton. Li poste nur kunprenis floemajn ŝuojn kaj ujon, por ke tiuj ĉi eĉ al pluaj generacioj rememorigu la devenon de la Přemyslida familio. Tiu ĉi mito ĝisatendis multajn artistajn prilaboradojn. La přemyslidaj regantoj havis sian antaŭulon, kiu venis de plugilo, en granda honoro. La nove surtronigita reganto onidire surmetis la floemajn ŝuojn de Přemysl kaj surŝultre li prenis lian ujon. Proksime de Stadice la miton rememorigas monumento el la jaro 1841, kiun ĉi tie lasis konstrui Nosticoj fare de arkitekto Friedrich Staumann. La tabuloj kun reliefoj estas laboraĵo de skulptisto Josef Max. La monumento situas sur Reĝa kampo, kiu estas ekde la jaro 1962 nacia kultura memorindaĵo. La dimensioj de Reĝa kampo estis en mezepoko bazo de ĉeĥa kampa mezurunuo. Post la patrino Přemyslido, post la patro Luksemburgo Karolo la 4-a lasis pro la memoro de la mito liberigi tri bienetojn en Stadice de korveo kaj li ordonis al ili zorgi pri la fama avelarbo kaj ĝiajn nuksojn transdoni en Praga burgo. La kutimo reteniĝis ĝis la jaro 1701, sed ankoraŭ en la jaro 1723 dum la kronado de reĝo Karolo la 6-a estis sur la festena tablo nuksoj el la stadica avelarbo.

Memorindaĵoj

• Sonorilejo
• Baroka ponto
• Statuo de Virgulino Maria

Pluaj fotoj

• 
  Domo n-ro 24 en Stadice, sur kies loko la legendo metas la bienon de Přemysl la Pluginto
• 
  Ponto trans Bílina en Stadice
• 
  Fervoja haltejo Stadice