Streketo

Streketo estas interpunkcia signo -. Ĝi estas uzata

Interpunkciaĵoj
apostrofo ( ' ); ( ’ ) citiloj ( ‘ ’ ); ( “ ” ); ( „ ” ); ( « » ) demandosigno ( ? ) dupunkto ( : ) komo ( , ) krampoj ( ( ) ); ( [ ] ); ( { } ); ( < > ) kridemandosigno ( ‽ ) ( ?! ) krisigno ( ! ) punkto ( . ) punktokomo ( ; ) spaceto (   ) streketoj ( ‒ ); ( – ); ( — ); ( ― ) ( ‐ ) oblikvo ( / ) tripunkto ( … ) ( ... )
Aliaj tipografiaj markoj
asterisko ( * ) bulmarko ( • ) deklivo ( \ ) dividsigno ( ÷ ) egalsigno ( = ) heliko ( @ ) kaj-signo ( & ) krado ( # ) numero-signo ( № ) obeluso aŭ ponardo ( † ‡) plus-minus-signo ( ± ); ( ∓ ) substreko ( _ ) tildo ( ~ ) vertikala streko aŭ "dukto" ( | )

• en vortkunmetaĵoj (foje nur por evidentigi la strukturon de longaj aŭ ne-unusencaj vortoj),

• por vortdividoj ĉe la fino de linio kaj

• kiel ripetilo ĉe menciado de vortoj kun samaj partoj.

Ne konfuzu la streketon kun la similaspekta minus-streko, kiu ne estas interpunkcia signo, sed simbolo en matematikaj formuloj.

La streketo

en vortkombinoj

La streketo estas uzata ĉe kunmetitaj vortoj. Ekzemplo:

• Baden-Virtembergo
• tricent-jaraĝa arbo (aŭ tricent-jaraĝa arbo)

kiel vortdividilo

La streketo estas uzata ĉe la fino de linio, se unu vorto ne plu komplete povas esti en la linio. Per uzo de tia vortdividilo, la spaco estas pli efike uzata kaj samtempe la rezulto estas pli belaspekta kaj pli facile legebla. Ekzemplo:

Vikipedio estas projekto por sta- rigi multlingvan interretan encik- lopedion. Samtempe ĝi estas …

kiel kompletigilo

La streketo estas uzata ĉe arigo de similaj aferoj, kie ĝi povas anstataŭi la identan parton. Ekzemploj:

• ĉef- kaj kromenirejo
• trafikreguligo kaj -kontrolo, sunleviĝo kaj -subiro

La minus-signo

Plus-signo, minus-signo kaj streketo.

La minus-streko (aŭ minus-signo) estas matematika simbolo kun tri bazaj funkcioj:

1. operatoro de subtraho (la kontraŭo de adicio): 5 − 3 = 2.

2. rekte antaŭ nombro ĝi indikas negativecon: −5 estas negativa (minusa) 5.

3. operatoro, kiu inversigas la operandon: se x = 3, tiam −x = −3, sed se x = −3, tiam −x = 3.

Uzado sur komputila klavaro

Komputila klavaro ne distingas inter la streketo kaj la minus-signo: ĉu vi uzas la signon en la litera bloko de la klavaro, ĉu la minus-signon en la nombra bloko: skribiĝas la sama simbolo. Do en ĉiuj supre menciitaj ekzemploj estis tajpita minus-signo, kvankam bona tipografo uzus diversajn signojn.

La afero pli komplikiĝas pro la uzado de diversaj haltostrekoj en tipografio: la M-streko, la N-streko, la cifera streko (vd en la indikita artikolo).