Taraksako

Taraksakoj aŭ leontodoj estas nomo de plurjaraj herboj (genro Taraxacum) el asteracoj, kun longa pivotradiko, kun rozeto el elbazaj, runcinetaj folioj, kun rondformaj, kavaj, senfoliaj pedunkloj. Tiuj pedunkloj portas unuopan, grandan, flavan kapitulon. La semoj havas simple harformajn semhavojn kaj ili estas bekhavaj. Ĝi estas tre ofta ĝena trudherbo, en kelkaj landoj uzata kiel salato.

Kiel legi la taksonomion

Taraksako

Fruktanta taraksako

Biologia klasado

Regno:	Plantoj Plantae
Divizio:	Angiospermoj Magnoliophyta
Klaso:	Dukotiledonaj plantoj Magnoliopsida
Ordo:	Asteraloj Asterales
Familio:	Asteracoj Asteraceae
Tribo:	Cikoriedoj Cichorieae
Genro:	Taraksako Taraxacum Cass.

Specioj

Vidu tekston

Aliaj Vikimediaj projektoj

Sistematiko en Vikispecioj

Komunejo pri Taraksako

v • d • r

Klasifikado redakti

Tiu holarktisa genro estas taksonomie komplika, kaj iuj botanikistoj subdividas la grupon en proksimume 34 makrospeciojn, kaj ĉirkaŭ 2000 mikrospeciojn ^[1] . Proksimume 235 apomiksaj kaj poliploidaj mikrospecioj estis registritaj en Britujo kaj Irlando ^[2]. Iuj botanikistoj havas alian opinion kaj nur akceptas totalon de ĉirkaŭ 60 specioj ^[1].

Elektitaj specioj redakti

Taraxacum albidum – Blanka taraksako , japana blank-floranta taraksako.
Taraxacum californicum, la endanĝerigita Kalifornia taraksako
Taraxacum japonicum – Japana taraksako.
Taraxacum kok-saghyz – Rusa taraksako, kiu produktas gumon.
Taraxacum laevigatum, Ruĝ-sema taraksako; la akenoj estas ruĝ-brunaj kaj la folioj estas profunde entranĉitaj tra la longeco.
Taraxacum erythrospermum, ofte estas konsiderata kiel vario de Taraxacum laevigatum ^[3]
Taraxacum officinale (syn. T. officinale subsp. vulgare) – Leontodo, estas multforma.