Trojmezí (Hranice)

Trojmezí (germane kaj ĝis la jaro 1947 ankaŭ ĉeĥe Gottmannsgrün) estas vilaĝo en Ĉeĥio, parto de urbo Hranice, troviĝanta en distrikto Cheb. En la jaro 2021 ĉi tie daŭre vivis 24 loĝantoj. Ĝi etendiĝas en la plena nordokcidenta angulo de Ĉeĥio. Sur tiu ĉi loko ankaŭ troviĝas trilanda punkto de historiaj landoj, Bohemio, Bavario kaj Saksio.

Trojmezí
germane Gottmannsgrün
vilaĝo
Restoracio en Trojmezí
Oficiala nomo: Trojmezí
Ŝtato	Ĉeĥio
Regiono	Regiono Karlovy Vary
Distrikto	Distrikto Cheb
Administra municipo	Hranice
Historia regiono	Bohemio
Montaro	Smrčiny
Situo	Trojmezí
- alteco	602 m s. m.
- koordinatoj	50° 14′ 57″ N 12° 10′ 10″ O (mapo)
Katastro	7,22 km² (722 ha) Trojmezí
Loĝantaro	24 (2021)
Denseco	3,32 loĝ./km²
Unua skribmencio	1356
Horzono	MET (UTC+1)
- somera tempo	MET (UTC+2)
Poŝtkodo	351 24
Situo enkadre de Ĉeĥio Situo enkadre de Ĉeĥio
Vikimedia Komunejo: Trojmezí (Hranice)
Portalo pri Ĉeĥio

Geografio

Eksa kazerno de Limgardistejo, estonta porvirina malliberejo (2008)

Trojmezí situas proksimume 2 kilometroj de Hranice kaj 12 kilometroj nordokcidente de Aš, en supermara alteco 602 metroj.

Antaŭe Trojmezí dividiĝis en Trojmezí (Gottmannsgrün), Dolní Trojmezí (Unter Gottmannsgrün) kaj Kozí hřbet (Ziegenrück), kaj parto de la municipo estis ankaŭ solejoj Richterovy Domky, Neustadt, Schwammenbach kaj Císařský hamr (Kaiserhammer). Iuj fontoj indikas ankaŭ Mäcklovy Domky.

Historio

La unua skribmencio pri la vilaĝo devenas el la jaro 1356. En la 16-a kaj la 17-a jarcento oni minis en la ĉirkaŭaĵo ferercon. Restaĵoj de la minado estas videblaj ankoraŭ ĝis hodiaŭ. Tiutempe estiĝadis en la ĉirkaŭaĵo kelke da muelejoj. La vilaĝo estas disigita sur pli granda teritorio, tial estus ĉiam problemoj kun vizitado de infanoj en lernejon. Eĉ tiel estis en la jaro 1903 konstruita moderna lernejo.

En la plej nordokcidenta angulo de Trojmezí troviĝas trilanda punkto kun Bavario kaj Saksio, dum kio ankoraŭ antaŭ eniro de Ĉeĥio en Schengen-spacon ĉi tie estis turisma pasejo.

Monumento al viktimoj de milito en la jaro 1866 kaj al la unua mondmilito

Post la dua mondmilito kaj ellandigo de germana loĝantaro Trojmezí estis preskaŭ senhomigita. Granda parto de ĉeĥoj, kiu ĉi tie restis, devis en la jaro 1951 post tio, kiam ĉi tie estis establita limzono, kaj iliaj domoj estis deŝiritaj. Pli poste estis ĉi tie konstruita konstruaĵo de limgardistejo, kiu estis uzata nur sporade, sed fine ĝi longajn jarojn malkonstruiĝis. Sed en majo de 2008 ĝi estis fine vendita al lokaj entreprenistoj, kiuj intencas fari el ĝi porvirinan malliberejon.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	1 039
1880	1 075
1890	932
1900	942
1910	947
1921	797

Jaro	Loĝantoj
1930	845
1950	123
1961	92
1970	47
1980	33
1991	31

Jaro	Loĝantoj
2001	32
2011	26
2021	24

Memorindaĵoj

• Monumento al viktimoj de Prusia-Aŭstria milito en la jaro 1866
• Monumento al viktimoj de la unua mondmilito
• penta kruco

Rilataj artikoloj

• Landlimo de Ĉeĥio kaj Germanio