Tumbesa ajmofilo
La Tumbesa ajmofilo (Aimophila stolzmanni) estas specio de birdoj de la familio de Emberizedoj kaj genro de Ajmofiloj, kiu enhavas speciojn kun rimarkindaj kapobildoj.
 | ||||||||||||||
|---|---|---|---|---|---|---|---|---|---|---|---|---|---|---|
.jpg) Tumbesa ajmofilo
| ||||||||||||||
| Biologia klasado | ||||||||||||||
| ||||||||||||||
| Aimophila stolzmanni (Taczanowski, 1877) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
Ĝi troviĝas en Ekvadoro kaj en norda regiono de Tumbeso en Peruo. Ties natura habitato estas subtropikaj aŭ tropikaj sekaj arbaroj kaj arbustaroj.
Ĝi estas tre simila al la parenca Strikrona ajmofilo kun du tre brunaj kronostrioj kiuj enfermas pli mallarĝan centrokronan strion; anstataŭ bruna traokula strio, estas nigra mallarĝa strio kiu ekas kiel brido kaj atingas la nukoflankojn; estas ankaŭ helgriza al blankeca superokula strio. La supra makzelo estas nigreca, dum la suba eburblankeca. La gorĝareo estas blankeca, kio nuancas al helgriza aŭ sablokolora en brusto kaj flavecaj al helbrunecaj nuancoj en ventro kaj flankoj. La kruroj estas rozkolorecaj.
En supraj partoj post helgriza duonkolumo estas tre bruna kaj tre strieca dorso, nome nigrecaj plumoj kun tre larĝaj brunaj bordoj. Pro tiaj striecaj dorsoj tiuj birdoj estas nomataj "paseroj" en Ameriko. La vosto estas mallonga kaj malhela.
Referencoj redakti
- BirdLife International 2004. Aimophila stolzmanni[rompita ligilo]. 2006 IUCN Ruĝa Listo de Minacataj Specioj. Konsultita la 25an de julio 2007.
