Zifta

Zifta (arabe زفتى, kopte ⲍⲉⲃⲉⲑⲉ) estas urbego en nordorienta Egiptio, en Nildelto, en Provinco Garbija.

Zifta
urbo
Administrado
Demografio
Loĝantaro	93 740  (2006) [+]
Geografio
Geografia situo	30° 43′ N, 31° 14′ O (mapo)30.71194444444431.239444444444 [+]
Alto	16 m [+]
Horzono	UTC+02:00 [+]
Zifta (Egiptio Nildelto) DEC Situo de Zifta
Alia projekto
Vikimedia Komunejo Zifta [+]

Demografio

En Zifta loĝis 102 411 en 2018 laŭ la Germanlingva Vikipedio.

Geografio

Zifta kuŝas sur la maldekstra bordo de la orienta branĉo de Nilo 16 m super la marnivelo, ĝuste ĉe la kontraŭa bordo troviĝas Mit Gamr. Tiu Mit Gamr troviĝas 2, provinca sidejo Tanto 15, Benho 28, Zagazigo 29, Kafr aŝ-Ŝejĥo 40, Abu Kebir 41, Ŝebin el-Komo 45, ĉefurbo Kairo 75, Damiato 95, Ismailio 99 kilometrojn (aere) [1].

Historio

En la 12-a jarcento Zifta estis grava regiona komerca centro precipe por teksaĵoj, silkoj, linoj, indigoj, sezamoj. Ekde la 1670-aj jaroj la loko estis signifa laborejo, kie oni prilaboris kafsemojn. En 1919 la britoj ekzilis la lokajn gvidantojn, tial ribelo okazis, eĉ oni deklaris sendependecon kaj respublikon.

Ekonomio

En Zifta oni produktas pretajn vestaĵojn kaj laktaĵojn. Menciindas, ke digoj ĉe Nilo estis konstruitaj inter 1881 kaj 1952.

Trafiko

3 fervojaj linioj, unu ĉefvojo kaj 3 flankovojoj kuras al Zifta. Po unu pontoj (nur voja kaj komuna voja-fervoja) funkcias tra la Nilbranĉo, kiu estas navigebla.

Klimato

Zifta situas en arida klimato (BWh) laŭ la klimata klasifiko de Köppen. Jare pluvas ĉirkaŭ 50 mm. La averaĝa jara temperaturo estas 20 °C kaj varias inter 13-27 °C.

Vidindaĵoj

• preĝejoj

Fontoj

• WikiTrans