Ólafur Egilsson
Ólafur Egilsson (naskiĝinta en 1564, mortinta la 1-an de marto 1639) estis islanda teologo kaj verkisto de historiscience gravaj rememoroj.
| Ólafur Egilsson | ||
|---|---|---|
| Persona informo | ||
| Naskiĝo | 30-an de novembro 1563 | |
| Morto | 1-an de marto 1639 (75-jaraĝa) | |
| Religio | luteranismo vd | |
| Ŝtataneco | Danio vd | |
| Profesio | ||
| Okupo | pastoro vd | |
| vd | Fonto: Vikidatumoj | |
Vivo redakti
En 1627 li kune kun la edzino kaj du filoj perforte forkaptitis de berberoj okaze de sturmpreno de la setlejo Vestmannaeyjar. La islandanojn oni kunprenis al Alĝero kie la familianoj separiĝis. Egilsson sukcesis reveni patrujen jam en 1628 dume lia edzino Ásta Þorsteinsdóttir troviĝis en kaptiĝo ankoraŭ ĝis 1637. La du filojn li neniam plu revidis.
Li verkis pli malfrue rememorojn kiuj publikiĝis kaj en Islando[1][2] kaj Danujo. Ekzistas ankaŭ traduko anglen.[3]
En sia rakontado Egilsson detale montras la brutalan agadon de la piratoj kaj informas ĝenerale pri la praktiko de sklavkomerco mediteranea en Alĝerio. Do temas pri gravega fonto por la atakoj de otomanoj al Islando, kio eĉ en niaj tagoj konatas en Islando sub la titolo Tyrkjaránið.[4][5]
Referencoj redakti
- ↑ Landsbókasafn Íslands - Háskólabókasafn
- ↑ "Lítil saga um herhlaup Tyrkjans á Íslandi - Wikibækur, safn af frjálsum kennslubókum"
- ↑ Ólafur Egilsson: The travels of Reverend Ólafur Egilsson: the story of the Barbary Corsair raid on Iceland in 1627, Washington 2016, ISBN 978-0-8132-2870-9
- ↑ "Hverjir stóðu raunverulega að Tyrkjaráninu?"
- ↑ "Grafinn sjóður í sögu Evrópu"