19-a SAT-Kongreso 1939
kongreso de Sennacieca Asocio Tutmonda
La 19-a Kongreso de SAT okazis en Kopenhago inter la 5-a kaj la 10-a de aŭgusto 1939. Ĝin partoprenis 568 homoj el 13 landoj (aliĝis 622 el 15 landoj). Inter la organizantoj troviĝis Paul Neergaard kaj Poul Thorsen. La kongreso estis oficiale akceptita de la urbestraro. Okazis ekstera publika kunvenego en popola parko. Aperis ĉiutage kongresgazeto. Estis aprobita regularo pri funkciado de LEA-Komitato. Unuafoje okazis politika diskutkunveno, dum kiu ĉiu povis prezenti sian vidpunkton. Tiu ĉi kongreso de SAT estis la lasta antaŭ la Dua Mondmilito.
| 19-a SAT-Kongreso 1939 | ||
|---|---|---|
| Loko | Kopenhago | |
| Ekde | 5-a de aŭgusto 1939 | |
| Ĝis | 10-a de aŭgusto 1939 | |
| Organizanto | Sennacieca Asocio Tutmonda | |
| ← Antaŭa | Sekva → | |
Laborista universitato redakti
- Raso kaj klaso, de Paul Neergaard
- La laborista movado en la aktuala situacio, de Ejnar Norman
- Loĝeja kulturo de Johs. E. M. Kjær
- Edukado - sur bazo de praktikaj spertoj el la lernejaj reformoj de Vieno, de Otto Simon
- Seksa kulturo, de J. H. Leunbach
- Krimeco kaj kulturokrimeco kaj klaso, de Josef Simon
Kulturaj aranĝoj redakti
- Prezento de Petro kiel muzikdramo.
Eksteraj ligiloj redakti
- La 19-a SAT-Kongreso apartenas al la Historio - Sennaciulo, 25.08.1939