Aŭrangzebo
Abul Muzaffar Muhy-ud-Din Muhammad Aurangzeb Alamgir (urdue: ابلمظفر- محىالدين - محمد اورنگزيب- عالمگیر, hinde: अबुल मुज़फ्फर मुहिउद्दीन मुहम्मद औरंगज़ेब आलमगीर ) (n. la 4-an de novembro 1618 en Dahod - m. la 3-an de marto 1707), pli ofte konata kiel Aŭrangzebo (hinde :औरंगज़ेब) aŭ de lia elektita imperiestra titolo Alamgir (hinde: आलमगीर) ("Mondkonkeranto", urdue:عالمگیر), estis la sesa Mogola imperiestro de Barato, kies regado daŭris de 1658 ĝis la morto en 1707.
| Aŭrangzebo | |||||
|---|---|---|---|---|---|
| Mogola imperiestro | |||||
| |||||
| Persona informo | |||||
| Naskiĝo | 3-an de novembro 1618 en Dahod | ||||
| Morto | 3-an de marto 1707 (88-jara) en Ahmednagar | ||||
| Tombo | Tomb of Aurangzeb [#] | ||||
| Religio | islamo [#] | ||||
| Ŝtataneco | Mogola Imperio [#] | ||||
| Familio | |||||
| Dinastio | Timurida dinastio [#] | ||||
| Patro | Ŝaho Ĝahano [#] | ||||
| Patrino | Mumtaz Mahal [#] | ||||
| Gefratoj | Jahanara Begum • Gauhara Begum • Roshanara Begum • Shah Shuja • Dara Shikoh • Murad Bakhsh [#] | ||||
| Edz(in)o | Dilras Banu • Nawab Bai • Aurangabadi Mahal [#] | ||||
| Infanoj | Sultan Muhammad Akbar • Zeb-un-Nisa • Mehr-un-Nissa • Azam Shah • Zinat un-nisa • Muhammad Sultan of Mughal • Bahadur Shah I • Zubdat-un-Nissa • Kam Bakhsh • Badr-un-Nissa Begum [#] | ||||
| Profesio | |||||
| Okupo | reganto • monarko [#] | ||||
| Aktiva en | Mogola Imperio [#] | ||||
| |||||
| [#] | Fonto: Vikidatumoj | ||||
Badŝah Aŭrangzeb Alamgir la 1-a regis la plej grandan parton de la hinda subkontinento por preskaŭ duona jarcento, li estis la dua mogola imperiestro kiu pli regis post la legenda Akbar. En tiu periodo li provis forte ricevi pli grandan areon, precipe en suda Barato, sed post lia morto en 1707, la Mogola Imperio iom post iom komencis malkreski. Gravaj kialoj inkludas la malfortan ĉenon de posteuloj, neadekvatan konservadon de la centra administracio kaj laŭpaŝan malplenigon de la riĉaĵoj amasigitaj fare de liaj antaŭuloj kaj la kresko de sendependismaj sentoj inter la aliaj komunumoj de la imperio.
Male al siaj antaŭuloj, Aŭrangzebo vivis aŭstere kaj pie. Lia strikta aliĝo al Islamo kaj la plenumado de la Ŝario estis la pilieroj de lia regado. Li forlasis la religian toleron de la antaŭuloj, kaj dum lia regado, multnombraj hinduaj adorejoj estis detruitaj kaj multaj baratanoj islamaniĝis.