Alexander Schläffer

Aleksandro (Xandi) SCHLÄFFER (naskiĝinta la 30-an de januaro 1899 en Saalfelden, mortinta la 18-an de novembro 1984 samloke) estis salcburgia lignoskulptisto de kripoj kaj la unua estro de la regionhistoria muzeo Kastelo Ritzen en Saalfelden.

Kripfigurvendado ĉe la Kristnaska bazaro en Salcburgo.

Kripskulptadaj tradicioj en SaalfeldenRedakti

En Saalfelden jam ĉirkaŭ la jaro 1770 estis fama certa lignoskulptisto Jozefo Mayr pro tiu ĉi metio. Schläffer mem organizis plurfoje kripajn ekspoziciojn, i.a. en 1923 kaj 1956. Filio de tirola kripo-societo fondiĝis en 1934 kaj la unua kripa muzeeto surloke malfermiĝis en 1955 en eklezia ejo[1].

Lia grandega pincgaŭa kripo estis montrata ĉe la Monda Ekspozicio en Meksik-urbo en la 1968-a jaro. La tradicia kripa ekspozicio de la popolarta sekcio de la Muzeo Carolino Augusteum en Salcburgo en 1999 estis dediĉata al lia kreada vivo[2]. En decembro 2003 la menciita muzeo elektis lian kripon Bet-Leĥem troviĝas en Pinzgau (germane: Bethlehem liegt im Pinzgau) artfaraĵo de la monato.

La 18-an de novembro 2011 oni inaŭguris la novan kripan ekspozicion ene de la Kastelo Ritzen[3].

NotojRedakti

  1. Josef Lahnsteiner: Mitterpinzgau, Eldonejo Lahnsteiner, Hollersbach 1980, pp. 191-192.
  2. Pri la malfermo de la ekspozicio "Xandi Schläffer kaj Sicilio".
  3. Anonco sur muzea retpaĝaro.

Vidu ankaŭRedakti

Kripoj hejmecaj de Aŭstrio

LiteraturoRedakti

  • Eder Alois (Red.): Alexander Schläffer (1899–1984). Zum Gedenken an den ersten Kustos des Heimatmuseums Schloss Ritzen. Dokumentation zu Leben und Werk (=Ritzenpost 14), Saalfelden 2000.

Eksteraj ligilojRedakti