Alma - La mondo antaŭ la hejma sojlo

Alma - La mondo antaŭ la hejma sojlo estas bildrakonto verkita de Alma Karlin kaj eldonita de Centra Biblioteko de Celje kaj Esperanto-Societo Ljubljana en 2021.

Alma - La mondo antaŭ la hejma sojlo
Aŭtoro	Alma Karlin
Eldonjaro	2021
Urbo	Ljubljano
Eldoninto	Centra Biblioteko de Celje kaj Esperanto-Societo Ljubljana
ISBN	9789616557108

Ĉar la libro estas bildrakonto do unuavide ĝi aspektas kiel infanlibro. Tamen, ĝi estas multe pli ol tio: ĝi estas omaĝo al eksterordinara homo, kiu havis nekredeblajn entuziasmon kaj intereson pri nia mondo.

Ĝi priskribas la infanajn jarojn de Alma, kaj ankaŭ montras ŝiajn senfinan scivolemon kaj senbridan lernemon pri la plej diversaj fakoj, ekzemple pri lingvoj, historio, desegnado, muziko kaj natursciencoj.

Evidentas ke lingvoj kaj vojaĝado estis kernaj en la vivo de la verkisto, tiele la poezieca teksto kaj belaj ilustraĵoj trafe montras tion. Oni legas kiel Alma lernis plurajn lingvojn samtempe kaj revis pri vojaĝado. Ŝi deziris ekkoni “novajn landojn, interesajn homojn kaj iliajn morojn”.

Desegnaĵoj de Polona Kosec akompanas la tekston. Eĉ en la internaj kovriloj oni povas admiri belajn bildojn, kiuj prezentas la mirindan vivon de Alma kaj ŝian tutmondan vojaĝon.

Recenzoj

	„ Lingve la libro estas taŭga por komencantoj kaj progresantoj. La teksto ne estas tro longa aŭ defia; tamen ĝi donas bonajn okazojn por eventuale lerni novajn vortojn aŭ por pli bone enkapigi tiujn antaŭe renkontitajn. ” — facila

Eksteraj ligiloj

• Mojiceja Bonte, Alma – La mondo antaŭ la hejma sojlo, eld. Centra Biblioteko de Celje kaj Esperanto-Societo Ljubljana, 2021, ISBN 9789616557108
• Katalogo de Esperantomuzeo kaj Kolekto por Planlingvoj