Aviadila akcidento apud Mendelejevo (1982)

Aviadila akcidento apud Mendelejevo (1982) estas kraŝo de pasaĝera aviadilo Il-62 de flugkompanio "Aeroflot", okazinta la 6-an de julio 1982 en Moskva provinco (RSFSR) je 1,5 km oriente de loĝloko Mendelejevo. La katastrofo pereigis 90 homojn (ĉiujn, kiuj estis en la aviadilo).

Aviadila akcidento apud Mendelejevo
Aviadilo, simila al la akcidentinta
aviadila akcidento
Ĝenerala informo
Dato	6-a de julio 1982
Tempo	00:35 Mezeŭropa tempo
Karaktero	falo de la aviadilo post ekfluo
Kaŭzo	malŝalto de motoroj post misa reago de kontraŭincendia sistemo
Loko	Apud loĝloko Mendelejevo, distrikto Solneĉnogorsk, Moskva provinco, Sovetunio
Geografia situo	56° 1′ 39″ N, 37° 15′ 30″ O (mapo)56.027451137.2584257
Flugo	411
Punkto de elflugo	Moskvo (Ŝeremetjevo), Sovetunio
Punkto de alflugo	Dakaro, Senegalo Fritaŭno, Sieraleono
Pereintoj	90
Vunditoj	0
Aviadilo
Tipo	Il-62
Flugkompanio	Aeroflot
Flanka numero	СССР-86513
Dato de produktado	1980
Pasaĝeroj	80
Aviadilanoj	10
Postvivintoj	0 personoj
Aviadila akcidento apud Mendelejevo (Eŭropa Ruslando) DEC Akcidento de Aviadila akcidento apud Mendelejevo

Katastrofo

La aviadilo ekflugis nokte, en bonaj veteraj kondiĉoj. Post kaŝo de ĉasio aperis signalo pri incendio en unu motoro, poste - en la dua. Laŭ reguloj tiuj motoroj estis malŝaltitaj. La personaro decidis alteriĝi, sed ne sukcesis tion fari pro nesufiĉa alteco. La flugo daŭris 2 min 35 sek, post tio la aviadilo falis en arbaron inter Mendelejevo kaj vilaĝo Kluŝino kaj forbrulis.

Unuaj sur la lokon de tiu katastrofo trafis loĝanloj de Mendelejevo. Informo pri la katastrofo laŭ tiamaj reguloj de Sovetunio estis sekretigita. Oni rapide forigis ĉiujn fragmentojn de la aviadilo.

Pereintoj

Pro la katastrofo pereis 90 homoj (85 plenkreskuloj kaj 5 infanoj).

Ŝtataneco de pasaĝeroj:

Ŝtataneco	Kvanto
Sovetunio	46
Sieraleono	21
FRG	5
Aŭstrio, Senegalo	po 2
Irlando, Barato, Pollando, Kaboverdo	po 1

Kialoj

Laŭ oficiala konkludo, la katastrofon kaŭzis erara informo pri incendio en motoroj, aperinta preskaŭ tuj post ekflugo. Por eviti incendion, estis malŝaltitaj du motoroj el kvar, sed malgranda atingita alteco ne permesis kontinui flugon.

Loko

Sur la loko de ĉi tiu katastrofo nun estas triangula arbarkampeto kun abioj, kie staras tri etaj monumentoj: unu estas dediĉita al aviadilanoj, kaj du aliaj - al sovetiaj pasaĝeroj-maristoj.

Vidu ankaŭ

• Aviadila akcidento apud Ŝeremetjevo (1976)

Eksteraj ligiloj

• Pli detala informo (ruse)
• Artikolo sur la paĝaro de Mendelejevo Arkivigite je 2013-12-03 per la retarkivo Wayback Machine (ruse)