Cimballa
Cimballa [cimBAlja] estas municipo de Hispanio, en la suda pinto de la komarko Comunidad de Calatayud kies ĉefurbo estas Calatayud mem, en la sudokcidento de la Provinco Zaragozo (regiono Aragono).
| Cimballa | |||
|---|---|---|---|
 | |||
| municipality of Aragon | |||
|
|
| ||
| Flago | Blazono | ||
| Administrado | |||
| Poŝtkodo | 50213 | ||
| Demografio | |||
| Loĝantaro | 87 (2023) [+] | ||
| Loĝdenso | 3 loĝ./km² | ||
| Geografio | |||
| Geografia situo | 41° 6′ N, 1° 47′ U (mapo)41.1024901-1.7750256Koordinatoj: 41° 6′ N, 1° 47′ U (mapo) [+] | ||
| Alto | 904 m [+] | ||
| Areo | 31,945311 km² ( 319 4.5 311 ha) [+] | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo Cimballa [+]
| |||
Geografio redakti
Cimballa estas municipa teritorio en la sudo de la komarko Comunidad de Calatayud, kie ĝi estas sude de Monterde. La municipa teritorio limas (el nordo laŭhorloĝe) kun Monterde, Abanto, Aldehuela de Liestos, Tortuera, Fuentelsaz, Milmarcos kaj Campillo de Aragón.
La loĝloko Cimballa mem estas je 125 km sudokcidente de Zaragozo, provinca kaj regiona ĉefurbo, je 904 msm en la Iberia Sistemo, en la baseno de la rivero Piedra, sur la limo kun la provinco Gvadalaĥaro. Ĝi estas alirebla el Zaragozo laŭ la ŝoseo N-II, el devojiĝo en Calatayud al la ŝoseo C-202, kun devojiĝo en Nuestra Señora la Blanca al la loka ŝoseo CV-307. Ĝi estas inter Aldehuela de Liestos sudoriente kaj Nuévalos oriente.
Historio redakti
La areo estis konkerita el islamanoj en la 12-a jarcento fare de Alfonso la 1-a, kiu lasis la areon al la templanoj. En 1142 Cimballa aperis en la Foruo de Daroca.
En 1855 la tiam karlisma komandanto Marco de Bello pasis tra Cimballa.
Preskaŭ ĉiuj loĝlokoj de la areo perdis loĝantaron laŭlonge de la 20-a jarcento kaj same en Cimballa kie oni malaltiĝis el 568 loĝantoj en 1940 ĝis nunaj 93 loĝantoj. Evidente elmigrado ĝenerale foriris al industriaj aŭ pli viglaj areoj kiel Zaragozo, Daroko, Calatayud kaj Karinjeno.
Aktualo redakti
Bazo de ekonomio nun estas agrikulturo (cerealoj, olivarboj kaj vitejoj), forstado kaj brutobredado (kortobirdoj, ŝafoj kaj porkoj) kaj sekva nutrindustrio (vinproduktado). Nune gravas ankaŭ natura, kultura kaj rura turismo. Inter nunaj vidindaĵoj menciindas la preĝejo kun romanika pordego, fosiliaj kuŝejoj, ruinaj restaĵoj de la kastelo ktp. Estas interesaj naturaj lokoj ĉefe en la montaroj kaj ĉe la rivero Piedra.