Constantin Zărnescu

Constantin Zărnescu [konstantin’ zərnesku], rumana verkisto. Li naskiĝis la 24-an de marto 1949 en distrikto Vâlcea. Liceaj studoj en Horezu (sama distrikto). Universitataj studoj en Cluj. Ekde 1972 li laboris kiel redaktoro de la kluĵa revuo Tribuna, ĉe kiu li debutis kiel studento en 1971. Vivas en Cluj-Napoca. Kunlaboranto ĉe pluraj periodaĵoj. Forta apoganto de Esperanto.

En Esperanto aperis lia dramo Reĝino Jokasta (2004) kaj lia kolekto de Aforismoj kaj tekstoj de Constantin Brâncuşi (1993).