Dvakačovice

Municipo Dvakačovice situas en Ĉeĥio, regiono Pardubice, distrikto Chrudim, 8 km nordoriente de urbo Chrudim, 11 km okcidente de urbo Pardubice kaj 6 km norde de urbo Dašice. Dvakačovice troviĝas sur varma marna deklivo super rivero Novohradka. Vivas ĉi tie 227 loĝantoj (2024).

Dvakačovice
municipo
Dvakačovice
Flago Blazono
Oficiala nomo: Dvakačovice
Ŝtato	Ĉeĥio
Regiono	Regiono Pardubice
Distrikto	Distrikto Chrudim
Administra municipo	Chrudim
Historia regiono	Bohemio
Montaro	Svitava montetaro
Rivero	Novohradka
Situo	Dvakačovice
- alteco	248 m s. m.
- koordinatoj	49° 59′ 01″ N 15° 53′ 49″ O (mapo)
Katastro	3,64 km² (364 ha) Dvakačovice
Loĝantaro	227 (2024)
Denseco	62,36 loĝ./km²
Unua skribmencio	1415
Horzono	MET (UTC+1)
- somera tempo	MET (UTC+2)
Poŝtkodo	538 62
NUTS 3	CZ053
NUTS 4	CZ0531
NUTS 5	CZ0531 504955
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: Dvakačovice
Retpaĝo: www.dvakacovice.cz
Portalo pri Ĉeĥio

La najbaraj municipoj de la setlejo estas Bořice, Hrochův Týnec, Úhřetice, Vejvanovice, Úhřetická Lhota kaj Kostěnice.

Prahistorio

Ĉirkaŭaĵo de la vilaĝo estis prisetlita jam en pratempo. De ĉi tie estas trovaĵoj el la pli frua kaj malfrua bronzaj epokoj, kulturoj luzacia kaj silezi-platenica. En la teritorio vivis en latena epoko (400 - 0 jaroj a.K.) keltoj. Pri relative densa slava prisetlo atestas kupolsepultejo en arbaro oriente de la vilaĝo kaj pluaj trovaĵoj.

Historio kaj eklezioj

En la jaro 1415 nobelulo Štěpán el Dvakačovice aligis sian sigelon al plendo kontraŭ bruligo de Magistro Johano Hus. En Dvakačovice kaj proksimaj vilaĝoj ekzistis de husanaj tempoj multnombra komunumo de Bohemiaj Fratoj kaj de la 18-a jarcento la vilaĝo estas centro de evangeliana eklezio. Evangeliana preĝejo estis en la vilaĝo konstruita en novgotika stilo en la 19-a jarcento. Estas ĉi tie ankaŭ katolika kapeleto de la Plej Sankta Triunuo sur vilaĝplaco, ankaŭ en novgotika stilo el la 19-a jarcento.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	362
1880	378
1890	390
1900	391
1910	411
1921	411

Jaro	Loĝantoj
1930	399
1950	310
1961	312
1970	249
1980	177
1991	140

Jaro	Loĝantoj
2001	142
2014	178
2016	172
2017	172
2018	168
2019	170

Jaro	Loĝantoj
2020	173
2021	162
2022	163
2023	195
2024	227

Naturo

Fruktodonaj grundoj kaj klimaj cirkonstancoj liveris kondiĉojn por sukcesa agrokulturado, fruktoĝardenoj kaj en pasinteco ankaŭ por vinberĝardenoj. Arbara deklivo super la dekstra bordo de Novohradka estas signifa biokoridoro ebliganta migradon de animaloj en tre senarba pejzaĝo.

Akvomastrumado

Super la riverbaraĵo en Dvakačovice komenciĝas signifa akvomastruma konstruaĵo, malnova artefarita kanalo Zmínka. Kanalo estis konstruita en la 15-a jarcento, en tempo de rapida disvolvo de fiŝlaga mastrumado. Ĝi estas nuntempe 11,5 km longa kaj kondukas akvon el Novohradka al Loučná. Ĝia ĉefa tasko estis provizi per akvo fiŝlagan sistemon sub Černá za Bory, kie nuntempe estas vilaĝoj Staročernsko kaj Spojil.

Popolaj konstruaĵoj

Vidindaj estas domo n-ro 10 el la 1-a duono de 19-a jarcento, teretaĝa kun dekore dividita frontalo kaj bieno n-ro 41 kun pordego el la komenco de 19-a jarcento.

Turismo

Tra la vilaĝo iras signitaj cikloturismaj padoj n-ro 4111 el Horní Roveň al Zbohov kaj n-ro 4122 el Dašice al Přibyslav.

Literaturo

• Marek Podhorský: Pardubický kraj. Eldonis freytag & berndt, eldonejo en Prago en j. 2004.

Pluaj fotoj

• 
  Evangelia preĝejo
• 
  Kapeleto de La plej sankta Triunuo
• 
  Vilaĝplaco kun haltejo
• 
  Loĝdomo en vilaĝplaco

Eksteraj ligiloj

• Paĝaro de mikroregiono Chrudim ĉeĥe