El la "Verda Biblio"

El la "Verda Biblio"
Aŭtoro	Izrael Lejzerowicz
Eldonjaro	1935
Urbo	Budapest
Eldoninto	Literatura Mondo
Paĝoj	104
	v • d • r

El la "Verda Biblio" estas satira libro de Izrael Lejzerowicz. La unua eldono estis de Literatura Mondo en 1935. Precipe temas pri parodio de la ĝis-tiama Esperanta movado.

La libro konsistas precipe el 25 ĉapitroj en Biblieca stilo. Estas fikciaj nomoj, kiuj aludas historiajn esperantistojn kaj eventojn. Ekzemple Andreo Apud en Ĉapitro VI estas vortluda aludo al Andreo Cseh.

La libro enhavas ĉirkaŭ 15 ilustraĵojn de Rajmundo Laval.

EldonhistorioRedakti

Literatura Mondo, 1935
Hungara Esperanto-Asocio, 1978
Eldonejo Hejme, 2007
Libromondo kaj Grafokom, 2014

AliformeRedakti

Jerzy Fornal adaptis elĉerpaĵojn en drama formo, 1997.

RecenzojRedakti

„ 1 En la komenco la Senkorpa Mistero kreis Volapükon. 2 Kaj Volapük estis senforma kaj kaosa kaj mallumo estis en ĝi. 3 Kaj la Senkorpa Mistero diris : Estu lumo: kaj fariĝis Esperanto. 4 Kaj la Spirito vidis Esperanton, ke ĝi estas bona : kaj la Spirito apartigis Esperanton de Volapük. 5 Kaj la Spirito nomis Esperanton Eterna Tago kaj Volapükon nomis Nokto. Kaj estis vespero kaj estis mateno - unu Tago.

Jen la komenco de tre bonhumora libro, aperinta unuafoje en 1935. Se vi iom konas la orientan stilon de la biblio kaj iom scias pri la historio de Esperanto, vi legos kaj relegos ĉi tiun satiron kun plezuro kaj vi divenos la nomojn Bofrunt, Andreo Apud, Osbriko, Junio Pagi, Kafo Alt, Kalsurmano Galoŝej, Ragmond Ŝerc kaj multajn aliajn. Kaj krome vi rimarkos, ke multe el la spirita kritiko ankoraŭ estas necesa. ”

— julio-aŭgusto 1979, W. Krikke, Esperanto, 883-4 (7-8), paĝo 132

EldonojRedakti

El la “Verda Biblio”. Izrael Lejzerowicz. Postparolo Tomasz Chmielik. Desegnaĵoj de Rajmundo Laval. Bjalistoko / Świdnik: BES / Libro-Mondo, 2021 (5-a eld). 122p. 17cm. Bind. Kun 38-minuta kd. Legas Jerzy Fornal. ISBN 9788363698690.

Eksteraj ligilojRedakti

Portalo pri Literaturo