Emmen LU

- La mallongigo LU en Emmen LU staras por la svisa Kantono Lucerno. Por aliaj signifoj de la nomo vidu sub Emmen.

---

Emmen estas urbo kaj komunumo en la distrikto Hochdorf en Kantono Lucerno, Svislando. Ĝi havis 27205 loĝantojn je la 31-a de decembro 2007.

Emmen
Blazono de Emmen
Blazono de Emmen
Emmenbrücke
Emmenbrücke
komunumo en Svislando • urbo en Svislando
Kantono	Lucerno
Distrikto	Hochdorf
Koordinatoj	47° 4′ 39″ N 8° 18′ 0″ O (mapo)
Nombro de loĝantoj	27205
Areo	20,37 km²
Alteco	427 m super marnivelo
Poŝtkodo	6020 kaj 6032
Komunumkodo	1024
Mapo de Emmen

Geografio

Emmen estas antaŭurbo de Lucerno ĉe la alfluejo de la rivero Kleine Emme al Reuss, je la norda flanko de la du riveroj. La komunumo konsistas el la du partoj Emmen-Dorf kaj Emmenbrücke.

Najbaraj komunumoj

La komunumo Emmen limas en nordo al Rothenburg kaj Eschenbach, en oriento al Buchrain kaj Ebikon, en sudo al Lucerno kaj Littau, kaj en okcidento al Neuenkirch.

Trafiko

Emmen situas ĉe la trajnlinio de Svisaj Federaciaj Fervojoj de Lencburgo al Lucerno. La urbo estas ankaŭ bone konektita al la loka busreto de Lucerno.

En Emmen kruciĝas la naciaj aŭtoŝoseoj A2 kaj A14.

Ekonomio

Plej grava labordonanto kun proksimume 1400 laborlokoj estas la armea flughaveno Emmen (ICAO-Kodo LSME), kie troviĝas la ĉefsidejo de la svisa aerarmeo. En Emmen troviĝas ankaŭ al sidejo de la svisa grandmelkejo Emmi.

Historio

La unua dokumenta mencio de Emmen datiĝas el la jaro 840 kiel Emau.

Vidu ankaŭ

• Aliaj lokoj kun la nomo Emmen
• Emmenbrücke (stacidomo)
• Emmenbrücke Gersag (stacidomo)
• Emmenbrücke Kapf (stacidomo)
• Waldibrücke (stacidomo)

Eksteraj ligiloj

• Oficiala retejo de la komunumo Emmen
• Emmen en la Historia Leksikono de Svislando
• Profilo de la komunumo en la retejo de la kantono

•  Vidu ankaŭ en la Vikimedia Komunejo la kategorion Emmen – (Kolekto de bildoj kaj plurmediaj dosieroj)

Bildoj

• 
  Ponto trans Rotbach de Rotheburg al Emmenbrücke