Malfermi la ĉefan menuon

Esperanto-Asocio de Ho-Chi-Minh-Urbo

Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.

La Esperanto-Asocio de Ho-Chi-Minh-Urbo (EAH) estas vjetnama asocio de esperantistoj en Ho-Ĉi-Min-urbo. Laŭ la retejo de la Ho-Ĉi-Min-urba municipo la asocio estas 'soci-politika organizo' kaj ano de la Ho-Ĉi-Min-urba Unuiĝo de Amikecaj Organizoj kaj de la Vjetnama Esperanto-Asocio.[1]

Esperanto-Asocio de Ho-Chi-Minh-Urbo
Lando Flago-de-Vjetnamio.svg Vjetnamio
Celo Kunigi Esperanto-amantojn en Ho-Ĉi-Min-urbo por:
  • Evoluigi la Esperanto-movadon laŭ la celoj de la landintereso, socialismo, paco, la kunlaborado inter vjetnamoj kaj anoj de aliaj landoj.
Fondiĝo 13-a de septembro 1990
Fondiĝloko Ho-Ĉi-Min-urbo
Prezidanto Tran Quan Ngoc
Vicprezidanto kaj ĝenerala sekretario Le Thi Thien Thu
Eldonoj Nguyễn Du, 'La rakonto pri Kjeu (2012)
Information icon.svg
vdr

La asocio estas speciale fiera esti Esperanto-asocio en la urbo de Ho Chi Minh pro la fakto ke "Onklo Ho estis la unua vjetnamo kiu lernis Esperanton. Li ekkonis la lingvon dum sia loĝado en Anglio farante revolucian agadon."[2]

AgadoRedakti

La agado de EAH celas disvastigi Esperanton. Dum sia historio HEA organizis multajn Esperanto-kursojn por bazniveluloj kaj mezniveluloj. Baznivele, kursanoj lernas dum ses monatoj legi, skribi, kaj paroli Esperanton kaj ankaŭ 16 regulojn de ĝia gramatiko. La celo de la baznivela kurso estas pretigi kursanojn por diskuti ĉiutagaĵojn kun eksterlandaj esperantistoj. La meznivelaj kursoj pretigas ĝiajn kursanojn por komuniki, interŝanĝi leterojn kun eksterlandaj esperantistoj, legi kaj facile kompreni literaturajn verkojn.

EAH ankaŭ gastigas eksterlandajn esperantistojn, kiuj vizitas Vjetnamion kaj Ho-Ĉi-Min-urbon. Dum kunvenoj kun eksterlandanoj, oni priparolas tradiciojn, morojn kaj scenojn. Por eksterlandanoj kaj samlandanoj EAH organizas vojaĝojn en pitoreskajn lokojn ĉirkaŭ la regiono.

Laste, EAH eldonas librojn kaj gazeton. Ĝi eldonis tradukitajn poemojn de Ho Chi Minh kaj To Huu. En la lastaj 1990-aj jaroj EAH eldonis vortaron, libron How to create words and sort questions in Esperanto kaj tradukon de epopea poemo La rakonto pri Kjeu (2012).[1]

ReferencojRedakti

  1. 1,0 1,1 The Ho Chi Minh City Esperanto Association (angle).
  2. The Ho Chi Minh City Esperanto Association (angle). “Uncle Ho was the first Vietnamese learning Esperanto. He came to this language while living in England doing revolutionary activities.”.