Malfermi la ĉefan menuon
Etnomir

Etnomir (ruse Этноми́р, tradukeblas el la rusa lingvo kiel "etno-mondo") estas privata etnografia parko kaj kultur-eduka centro[1], situanta en norda parto de Kaluga provinco (distrikto Borovsk) proksimume je 90 kilometroj sud-okcidente de Moskvo.

Etnomir estis fondita de rusia entreprenisto Ruslan Bajramov en 2006 enkadre de fonduso "Dialogo de kulturoj — unueca mondo" (ruse Диалог культур — единый мир). Laŭ ideo de la projekto, ĝi estu rimedo por konatiĝo kun diversaj etnoj kaj kulturoj de la mondo.

La parko okupas areon 140 ha. Sur la teritorio estas konstruataj "etno-kortoj" — apartaj aroj da konstruaĵoj, montrantaj vivstilon kaj tradiciojn de konkretaj popoloj; funkcias multaj hoteloj, muzeoj, restoracioj kaj vendejoj; dum la tuta jaro okazas diverstemaj festivaloj. Oni planas tute fini kreadon de la centro en 2020.

Ideo kaj konceptoRedakti

Kiel rakontis aŭtoro de la projekto, Ruslan Bajramov, li ĉiam okupiĝis pri projektoj rilataj al popolamikeco, sed la ideo pri organizado de etnografian parkon aperis kiam li unuan fojon noktumis en jurto. Poste

 
 mi decidis, ke endas alporti jurton al Moskvo. Finfine la homoj tre pozitive reagis, kaj ni komprenis ke ni tuŝis veran temon — rememori siajn radikojn kaj ekscii pri aliaj kulturoj. Certe, popularigi ideon por la ideo estas malfacile, ni estas homoj praktikemaj, tial ni decidis agadi. Verdiree, tiamomente la merkato rapidege evoluis, kaj malmiltaj interesiĝis pri projektoj sen rapida monprofito. Tamen ni trovis terenon apud Borovsk, aĉetis la terenon, starigis jurtojn kaj prezentis al la estraro de Kaluga provinco. Estas feliĉe, ke oni nin tre subtenis[2]

La ĉefa principo de Etnomir estas formulita de la organizantoj kiel "egaleco de kulturoj sendepende de landa ekomonia nivelo aŭ ĝia internacia statuso[3].

InfrastrukturoRedakti

Laŭ la planoj, post fino de la konstruado en la parko (140 ha) estos 52 etno-kortoj, kiuj montros al la vizitantoj kulturon de preskaŭ ĉiuj landoj. Krome, tie estos:

  • 530 hotelĉambroj kaj 1668 ejoj por konstanta loĝado;
  • 56 restoracioj;
  • 10 spa-centroj;
  • 136 ekspoziciejoj;
  • 45 000 m2 por luo;
  • 3 milionoj da vizitantoj dum jaro[4].

Ĝis somero 2014 tie jam ekfunkciis 9 "etno-hoteloj", 6 restoracioj kaj multaj muzeoj[4].

Aparte situas la "Strato de la Mondo".

Strato de la MondoRedakti

"Strato de la Mondo" (ruse Улица Мира, Ulica Mira) estas granda longa konstruaĵo, en kiu ene estas multaj "domoj" prezentantaj diversajn landojn; la domoj konatigas kun kulturo de apartaj landoj. Fakte ĝi estas komerca-ekspozicia centro.

Pavilonoj:

Etno-kortojRedakti

Etno-korto estas aparta ero de la teritorio, prezentanta kulturon de iu(j) konkreta(j) lando(j). En etno-kortoj funkcias hoteloj en tradiciaj loĝejoj de diversaj popoloj, manĝejoj, muzeoj kaj ekspozicioj, estas organizataj ekskursoj kaj diversaj aranĝoj.

Funkciantaj etno-kortoj:

Etno-korto Priskribo
Rusa korto Granda ligna domo farita en rusia stilo. Ene funkcias ekologia muzeo
Muzeo de Rusa forno Konstruaĵo - kopio de rusa forno, "la plej granda forno en la mondo", kun ekspozicio pri fornoj. Ĉirkaŭe staras dek domoj el diversaj regionoj de Eŭropa parto de Rusio kun siaj ekspozicioj.
Ukrainia kaj belorusia vilaĝoj Tradiciaj belorusiaj kaj ukrainiaj loĝejoj
Landoj de Centra Azio Jurtoj kaj aliaj tradiciaj loĝejoj de la popoloj de Centra Azio.
Siberio kaj Fora Oriento Multaj objektoj, inter ili - loĝejoj de siberiaj popoloj
Landoj de Suda Azio Kulturcentroj de Barato, Nepalo kaj Srilanko

HotelojRedakti

En Etnomir funkcias "etno-hoteloj" en tradiciaj loĝejoj de la mondo. En somero de 2014 funkcias 9 hoteloj:

Hotelo Situo
Belorusio Etno-korto "Ukrainia kaj belorusia vilaĝoj"
Siberio Etno-korto "Siberio kaj Fora Oriento"
Spa-hotelo Sri Lanko Etno-korto "Landoj de Suda Azio"
Barato Etno-korto "Landoj de Suda Azio"
Karavan-Saraj Strato de la Mondo
Ukrainio Etno-korto "Ukrainia kaj belorusia vilaĝoj"
Rusa domo Etno-korto "Rusa korto"
Nomadejo Etno-korto "Landoj de Centra Azio"
Nepalo Etno-korto "Landoj de Suda Azio"

ManĝejojRedakti

La ĉefa manĝejo ("Trapeznaja", ruse Трапезная) troviĝas en la dua etaĝo de Strato de la Mondo. Por loĝantoj de la hoteloj matenmanĝoj estas inkludataj en kosto de la loĝado.

Aliaj manĝejoj:

MonumentojRedakti

LingvojRedakti

ReferencojRedakti

Eksteraj ligilojRedakti