Ezra Melamed

Ezra Tsiyon MELAMED (naskiĝis la 22-an de novembro 1903 en Ŝirazo (Persio) - mortis la 9-an de marto 1994 en Jerusalemo) estis israela rabeno, erudiciulo pri Biblio kaj Talmudo kaj membro de la Hebrea Akademio. Melamed estis leksikografo de la aramea lingvo. Postmorte aperis lia vortaro aramea - hebrea - angla de la babilona talmudo (2005).

Ezra Melamed
Persona informo
Naskiĝo	22-an de novembro 1903 (1903-11-22) en Ŝirazo
Morto	9-an de marto 1994 (1994-03-09) (90-jaraĝa) en Jerusalemo
Tombo	Har HaMenuchot (en)
Lingvoj	Esperanto • hebrea • angla
Ŝtataneco	Israelo
Okupo
Okupo	vortaristo rabeno esperantisto rabenikisto

Kiel jam sia patro, ankaŭ Melamed estis rabeno de la komunumo de persaj judoj en Jerusalemo.

Esperanto

En sia juneco li estis unu el la Esperanto-pioniroj en Palestino kaj eldonis en 1927 la unuan Esperantan-hebrean vortaron.

Verkoj

• 1927: Melamed, Ezra Tsiyon (Cijon). (מלון אספרנטי־עברי) Vortaro Esperanta-Hebrea (kun la konstruo de la lingvo kaj plena gramatiko, ekzercoj kaj rakontoj). Jerusalemo: “Hatikva” (La Espero), 1927. xvii, 87 p. — pr. “Morija”, Jerusalemo. 15x11 cm. Esperanto → hebrea
• 2005: Melamed, Ezra Zion (2005). Aramaic-Hebrew-English dictionary of the Babylonian Talmud. ISBN 9781583307762.