Freiheitliche Partei Österreichs

La Libereca Partio de Aŭstrujo (germane: Freiheitliche Partei Österreichs, mallongigo: FPÖ) estas aŭstria politika partio.

Ĉi tie en Mühldorf/distrikto Spittal ĉe Dravo kuniĝis tuj post la Dua Mondmilito la fondontoj de la FPÖ-pretiga partio VdU.

Ĝi fondiĝis en la 1956-a jaro sekvanta la nesukcesan partion Verband der Unabhängigen / VdU (1949-1956). La unua partiestro estis Anton Reinthaller. Gravan rolon ĉe VdU estis ludinta ankaŭ la ĵurnalisto kaj eksa kontraŭnaziulo Viktor Reimann.

En postaj jaroj, sub gvido de Jörg Haider ĝi prenis popolismajn trajtojn, kiuj kondukis ĝin al ekstrema dekstro. Posta partia ĉefo estis Heinz-Christian Strache, kiu en 2017 fariĝis vickanceliero en la registaro de Sebastian Kurz. Post politika skandalo, en 2019 ĝi perdis multajn voĉdonojn en la elektoj de 2019 kaj ĉesis esti parto de la registaro.

Nuna partiestro estas Norbert Hofer.

Literaturo

• Lothar Höbelt: Von der vierten Partei zur dritten Kraft. Die Geschichte des VdU, Eldonejo Leopold Stocker, Graz 1999, ISBN 3-7020-0866-7. (Pri la komenco de la agado de la partianoj ene de la Verband der Unabhängigen.)

Eksteraj ligiloj

• Oficiala retejo germane
• La politiksciencisto Pelinka pritaksanta la partion. germane, angle