Gemaga
Gemaga estis japana videoluda magazino fondita en 1984 kiel Beep kaj eldonita de SB Creative. Dum sia historio, ĝi estis konata diverse kiel Beep, Beep! MegaDrive, Sega Saturn Magazine, Dreamcast Magazine kaj fine Gemaga.[1][2] Kiam ĝi ĉesis publikigon en majo 2012, ĝi estis la plej longe daŭranta japana ludmagazino.
| Gemaga | |
| |
| revuo | |
|---|---|
| Periodeco | Ĉiumonata |
|
| |
| Lando |  Japanio
|
| Establodato | 1984 |
| Ĉesigita publikado | 2012 |
|
| |
Historio
redaktiLa magazino estis kreita de Softbank Publishing en 1984 kiel ĉiumonata publikaĵo sub la nomo Beep por kovri videoludojn kaj hejmaj komputiloj, arkadmaŝinoj kaj videoludiloj.[3][4] Ĝia originala aranĝo estis inspirita de la vira magazino Popeye.[5]
La originala magazino Beep estis nuligita la 8-an de marto 1989. La ĉefredaktoro, Yoji Kawaguchi, proponis novan formaton al SoftBank : du apartajn magazinojn. La unua kovrus ludojn por Mega Drive, kaj la dua estus dediĉita al la aperonta Super Nintendo Entertainment System. La eldonisto estis pli interesita en Nintendo, ĉar ĝi estis pli populara en Japanio ol Sega, sed konsentis komenci kun la Mega Drive-temo ĉar la nova Nintendo-videoludilo estis prokrastita en 1989. La nova publikaĵo estis nomita Beep! Mega Drive. Kawaguchi decidis konservi la originalan nomon Beep por emfazi la kontinuecon inter la publikaĵoj. La magazino iĝis de ĉiumonata al duonmonata periodeco.[4]
En 1995 la kovrado de Mega Drive estis rezignita favore al la Sega Saturn. La magazino estis tiam renomita Sega Saturn Magazine. Kawaguchi decidis forigi "Beep" de sia nomo ĉar, laŭ li, ĝi finplenumis sian celon. La magazino fariĝis semajna publikaĵo.[4] En 1998 ĝi estis renomita kiel Dreamcast Magazine kaj denove ŝanĝis sian fokuson de Saturn al la Sega Dreamcast.[6][7]
Sega ĉesigis produktadon de la Dreamcast la 31-an de marto 2001, sed la magazino denove postvivis per nova varbigo. La titolo estis ŝanĝita al sia antaŭe neformala nomo Dorimaga (mallongigo por "Dreamcast Magazine") kaj fariĝis multplatforma publikaĵo.[8] En 2006 la magazino denove ŝanĝis sian nomon, al Gemaga, kiu estas mallongigo por "Games Magazine".[9][2]
En januaro 2012, la eldonisto anoncis, ke Gemaga estos fermita. La numero de majo 2012 estis la lasta de la magazino. En la tempo de sia fermo, ĝi estis la plej longe daŭranta magazino dediĉita al videoludoj en Japanio.[10][11][1]
Referencoj
redakti- ↑ 1,0 1,1 Eric Caoili (2012-01-23) Final Fantasy Brigade, Metal Gear Rising and more in this week's Japanese news roundup (angle). Arkivita el la originalo je 2021-08-27. Alirita 2021-11-27.
- ↑ 2,0 2,1 Kevin Gifford (2008-05-30) Analysis: The State Of Game Magazines In Japan (angle). Arkivita el la originalo je 2021-08-30. Alirita 2021-11-28.
- ↑ (2016) 懐かしファミコンパーフェクトガイド (japane). マガジンボックス. ISBN 978-4906735891.
- ↑ 4,0 4,1 4,2 「セガハードヒストリア」のヒストリア～または製作日記【第1回】 (japane). Impress (2021-08-03). Arkivita el la originalo je 2021-06-07. Alirita 2021-11-25.
- ↑ 川口洋司 (2017-10-31) Beep元編集長 川口洋司氏が語るライバル誌ログインと、今だから言える『MYST』制作時のミス (japane). Impress. Arkivita el la originalo je 2021-05-06. Alirita 2021-11-25.
- ↑ 週刊ドリームキャストマガジン創刊 (japane). Softbank (1998-11-05). Arkivita el la originalo je 2020-11-01. Alirita 2021-11-25.
- ↑ Softbank Renames Saturn Magazine (October 9, 1998). Arkivita el la originalo je April 22, 1999. Alirita April 24, 2022.
- ↑ 新装刊！「ドリマガ」絶賛発売中！ (japane) (2001-11-05). Arkivita el la originalo je 2021-11-26. Alirita 2021-11-25.
- ↑ 総合ゲーム月刊誌ドリマガ、5月30日発売号から「ゲーマガ」に誌名変更 (japane) (2006-05-03). Arkivita el la originalo je 2016-04-10. Alirita 2021-11-25.
- ↑ Brenna Hillier (2012-01-18) Japan's oldest games magazine to end in March (angle). Arkivita el la originalo je 2021-11-26. Alirita 2021-11-25.
- ↑ ウメ (2012-03-31) 退職のお知らせ (japane). Arkivita el la originalo je 2012-04-04. Alirita 2021-11-27.