Malfermi la ĉefan menuon
Meazzini en 1906

Giacomo MEAZZINI estis itala sacerdoto, esperantisto kaj vortaristo, kiu poste transiris al la planlingvo Ido kaj fine en 1928 publikigis propran planlingvan projekton Ido reformita.

VivoRedakti

Meazzini fariĝis profesoro je 21a de septembro 1922 en Trieste, sed libervole rezignis je 22a de marto 1925 favore al Corrado Grazzini. Li vivis en San Giovanni Valdarno.

VerkojRedakti

Meazzini verkis Dizionario italiano-esperanto (italan-esperantan vortaron), kiu estis vaste uzata: 1a eld. 1907, 2a 1912, 3a 1923. En 1922 aperis en San Vito lia Novo vocabolario Esperanto-Italiano (Nova vortaro Esperanto-itala) kun antaŭvorto de Giuseppe Peano. En tiu jaro li estis membro de la Lingva Komitato.[1]

Li kunlaboris al la itala gazeto L'Esperanto, tamen disiĝinte de la Zamenhofaj principoj tiom, ke Bruno Migliorini, kiu lingve kontrolis la gazeton en 1922 (p. 131) deklaris: "mi deziras ke la legantoj sciu ke mia kontrolo neniel rilatas la artikolojn kaj recenzojn de Prof. J. Meazzini, pri kiuj nur li portas respondecon".

ReferencojRedakti

  1. Petr Stojan en sia recenzo de la Novo vocabolario italiano-esperanto, 1922. En: Literatura Mondo, vol. II. 1923, n-ro 6, p. 118.

BibliografioRedakti

Eksteraj ligilojRedakti