Malfermi la ĉefan menuon

Gian Carlo Fighiera

itala esperantisto
Gian Carlo Fighiera en julio 2008

Gian Carlo Fighiera (1929) estas itala esperantisto.

Gian Carlo Fighiera (1929) estas itala esperantisto. Li esperantistiĝis en 1947 kiel studento en Torino (Italio), aktivis kiel kursgvidanto kaj fondis la Informan Servon de Itala Esperanto-Federacio. Ekde 1955 li estis elektita  itineranta Konstanta Kongresa Sekretario de Universala Esperanto-Asocio (UEA) kaj kunorganizis ses Universalajn Kongresojn. En 1961 li fariĝis vic- ĝenerala sekretario de Internacia Asocio de Vojaĝ-agentejoj en Bruselo (Belgio). Ekde 1978 ĝis la emeritiĝo en 1988 li laboris ĉe  Monda Turisma Organizaĵo (agentejo de UN) en Madrido (Hispanio). Post emeritiĝo li revenis al Torino kaj dum 15 jaroj instruis kongres-organizadon en seminarioj en superaj lernejoj en pluraj urboj, samtemempe publikigante kelkajn fakajn librojn en la franca, Esperanto kaj itala. Dun sia tuta vivo Fighiera aktivis en lokaj kaj naciaj E-asocioj kiel preleganto, kursgvidanto kaj organizanto de programoj kaj renkontiĝoj. Li edziĝis en 1960 al la polino Ada Sikorska. Ilia familia lingvo dum 34 jaroj estis Esperanto. Kiel prezidanto de la senprofitcela societo Heroldo de Esperanto li kunlaboris kun Ada 34 jarojn, ĝis ŝia morto en 1996, en la eldono de la samnoma  gazeto. Tiutempe li prizorgis la eldonon de la Zamenhofa traduko de Fabeloj de Andersen kaj de lernolibroj (inter kiuj „Paŝoj al plena posedo“) en diversaj lingvoj. Li verkis multajn artikolojn kaj eseojn rilate al la Esperanto-movado. En 2004 li estis elektita Honora Membro de UEA. Honoran membrecon li ricevis ankaŭ de nombraj aliaj E-organizaĵoj.

Vidu ankaŭRedakti