Malfermi la ĉefan menuon

Gurnigelpasejo

(Alidirektita el Gurnigel (montpasejo))

Gurnigel estas montpasejo en la Bernaj Antaŭalpoj en Kantono Berno, Svislando. La pasejo ligas Friburgon kun la Berna Oberlando. La pasejkulmino situas sur alteco de 1608 m s.m.

Gurnigel
Vojinformtabulo pri Gurnigel en Sangernboden
Alteco 1608 m
Geografia situo CH1903: 600699 / 17563946.7319444444447.4477777777778Koordinatoj: 46° 44′ N, 7° 27′ O; CH1903: 600699 / 175639
Situo de Gurnigel
Lando Svislando
Montaro Antaŭalpoj
Akvodislimo inter SenseSaane/Sarine kaj GürbeAro
Ligas Sangernboden kaj Riggisberg
Infrastrukturo Pasejvojo kaj poŝtaŭtobuslinio
Information icon.svg
vdr

PriskriboRedakti

 
Pasejkulmino de Gurnigel

La paseja vojo komenciĝas okcidente en la municipo Sangernboden, kiu apartenas al la komunumo Guggisberg, preterpasas la sulfurbanejlokon Schwefelberg-Bad je 1389 m s.m. por atingi post multaj kurboj la pasejkulminon je alteco de 1608 m s.m. Post la pasejkulmino oni atingas la konatan kuracbanejon Gurnigelbad je alteco de 1155 m s.m.. La paseja vojo tiam finiĝas en la setlejo Dürrbach en Rüti ĉe Riggisberg. Je la okcidenta flanko je alteco de 1491 m s.m. deiras vojo flanka tra la pasejo Schwarzenbühl al Riffenmatt-Schwendi en Guggisberg.

La pasejkulmino estas la akvodislimo inter la riveroj Sense en okcidento kaj Gürbe en oriento. Ambaŭ je la fino alfluas al Aro, Sense tamen unue tra Saane/Sarine. Nordoriente de Gurnigel fontas la rivero Schwarzwasser, kiu alfluas al Sense.

HistorioRedakti

La plej malnova parto de la veturebla paseja vojo estis konstruita en 1872 je iniciato de la tiama hotelposedanto de Gurnigelbad, Johann Jakob Hauser. Ĝis la fino de la 19-a jarcento tiam sekvis la finkonstruo de la vojo ĝis Sangernboden.

Turismo kaj motorsportoRedakti

Gurnigel dum la tuta jaro estas ŝatata ekskurscelo. La motorcikla renkontiĝejo ĉe la suba Gantrisch-Kabano ĉiam marde dum la someraj monatoj allogas motorciklistojn el la tuta mondo. Unu foje jare en septembro okazas la aŭtomobila Gurnigel-Montarkonkurso. La Konkursejo komenciĝas en Dürrbach kaj la celo estas en Gurnigelbad. Tiuj montaraj konkursoj okazis inter 1910 kaj 1938 kaj denove ek de 1968.

Publika trafikoRedakti

Poŝtaŭtolinio de Riggisberg tra Sangernboden al Plaffeien kaj Schwarzenburg pasas la montpasejon trifoje tage en ambaŭ direktojn.

Eksteraj ligilojRedakti

  •   Komunejo proponas multimediajn dosierojn al temo sub la gloso Gurnigel