IJK 1954
La 10-a Internacia Junulara Kongreso (IJK), tiam ankoraŭ nomata Internacia Junular-Kunveno, de TEJO okazis dum somero 1954 en la urbo Hilversum de Nederlando. La kongreson partoprenis nur 90 junaj esperantistoj - grandparte studentoj, lernejanoj kaj junaj laboristoj sub 30 jaroj. Kiel la tiama TEJO-bulteno La juna vivo indikas, la junulara Esperanto-movado tiujare troviĝis en krizo, kion respegulas la malgranda nombro de IJK-anoj en tiu kaj la antaŭa jaro. Tamen ankaŭ en la IJK de 1954, kiel en aliaj junularaj Esperanto-kongresoj, okazis variaj prelegoj kaj diskutrondoj pri la kongresa temo, kulturaj eventoj kaj organizaj kunvenoj de TEJO. Kaj abundis ekskursoj: Al Amsterdamo, Roterdamo kaj la registara urbo Hago, kie la kongresanoj interalie vizitis la miniaturan urbeton Madurodam, sed ankaŭ al la bordo de la Norda Maro en Scheveningen.
| IJK 1954 | ||
|---|---|---|
| Loko | Hilversum,  Nederlando
| |
| Ekde | 24-a de julio 1954[1] | |
| Ĝis | 31-a de julio 1954[2] | |
| ← Antaŭa | Sekva → | |
Fonto redakti
La Juna Vivo aprilo 1954 Arkivigite je 2008-10-13 per la retarkivo Wayback Machine, paĝoj 90 ĝis 94, kun ampleksa antaŭkongresa raporto.
Referencoj redakti
- ↑ URL de referenco: https://resolver.kb.nl/resolve?urn=ABCDDD:010834895:mpeg21:a0155
- ↑ URL de referenco: https://resolver.kb.nl/resolve?urn=ABCDDD:010834895:mpeg21:a0155
