Isaac Stevens

Isaac Ingalls STEVENS (n. la 25-an de marto, 1818 - m. la 1-an de septembro, 1862) estis usona militisto kaj demokrata politikisto. Li naskiĝis en North Andover (Masaĉuseco), Usono, kaj gajnis diplomon de la usona armea altlernejo West Point pinte de sia jarklaso en 1839, kaj servis dum pluraj jaroj en la armea Inĝeniera Korpuso, kies Adutanto li estis dum la usona milito kontraŭ Meksiko, dum kio oni kapitanigis kaj poste majorigis lin. Li partoprenis plurajn batalojn, kaj grave vundiĝis dum la batalo ĉe Meksikurbo.

Isaac Stevens
Governor of the Territory of Washington
Governor.Gen.Stevens.jpg
Persona informo
Isaac Stevens
Naskiĝo 25-an de marto 1818 (1818-03-25)
en North Andover
Morto 1-an de septembro 1862 (1862-09-01) (44-jara)
en Chantilly
Lingvoj angla [#]
Ŝtataneco Usono [#]
Alma mater West Point • Phillips Academy [#]
Partio Demokrata Partio [#]
Familio
Edz(in)o Margaret Lyman Hazard Stevens [#]
Infanoj Hazard Stevens [#]
Profesio
Okupo oficiropolitikisto [#]
[#] Fonto: Vikidatumoj
Wikidata-logo.svg
Information icon.svg
vdr
Isaac Stevens dum la Usona enlanda milito

En 1852 li estis tre aktiva en la kampanjo por elektigi prezidenton Franklin Pierce, kiu danke nomumis lin kiel estron de la ĵus kreita Vaŝingtonia teritorio. Li servis en tiu posteno de 1853 ĝis 1857, grave rolante en la subjugigado de la indiĝenaj popoloj de la teritorio, kaj persvade kaj perforte. Interalie li estris la traktatajn diskutojn kie en 1854 ĉefo Seattle laŭdire prezentis sian faman (sed ne historie dokumenteblan) paroladon pri la sankteco de la tuta lando. En 1857 li elektiĝis kiel la tria delegito de la teritorio al la usona Domo de Reprezentantoj, kie li servis ĝis 1861.

Kiam komenciĝis la Usona enlanda milito, li reaktivigis sin en la armeo, kun rango de brigada generalo.

Li mortis pro kuglovundo al la tempio ĉe la batalo de Chantilly.