Juan de Grijalva

Juan de Grijalva (Cuéllar, Hispanio, 1490 - Olancho, Honduro, 1527), estis esploristo kaj konkistadoro el Hispanio kiu partoprenis en la esplorado kaj konkero de Kubo kun la posta guberniestro Diego Velázquez de Cuéllar (1511), kies kapitano li estis. Li partoprenis ankaŭ en la esplorado al la marbordoj meksikaj kaj elstare ĉe la esplorado kaj konkero de Jukatano kaj de Tabasco (1518); en la esplorado fare de Francisco de Garay de la marbordoj kaj teritorioj de la nordo ĉe la aktualaj ŝtato Veracruz kaj golfo de Meksiko (1522-1523) kaj fine en la konkero de Honduro kun Pedrarias Dávila (1527), en kiu li mortiĝis.

Juan de Grijalva
Persona informo
Naskiĝo	30-an de novembro 1489 (1489-11-30) en Cuéllar
Morto	21-an de januaro 1527 (1527-01-21) (37-jaraĝa) en Olancho
Mortokialo	Mortis en batalo
Lingvoj	hispana
Ŝtataneco	Hispanio
Parencoj	Diego Velázquez de Cuéllar ()
Okupo
Okupo	konkistadoro

Intervjuo inter Grijalva kaj la majaa kaciko Tabskob en Potonchán.

Ekspedicio de Grijalva

Post la malsukcesa ekspedicio de Francisco Hernández de Córdoba al la Duoninsulo Jukatano, la tiama guberniestro de la insulo Kubo Diego Velázquez de Cuéllar organizis duan ekspedicion formita de kvar ŝipoj, kies kapitanoj estis Pedro de Alvarado, Francisco de Montejo kaj Alonso de Ávila alportinte ĉiu sian propran ŝipon kaj necesaĵoj, kaj Juan de Grijalva nevo de la guberniestro estis nomumita estro de la misio.

Oni esploris Kozumelon kaj Jukatanon. Oni batalis kontraŭ la majaoj kaj kelkaj hispanoj vundiĝis inter kiuj Grijalva mem. La karavano pluis al la marbordoj de Tabasco kaj Veracruz, kaj de tie Pedro de Alvarado revenis al Kubo, dum Montejo, Dávila kaj Grijalva planis setligi soldataron ĉe la ĵus malkovritaj marbordoj, sed finfine ankaŭ ili decidis reveni al la insulo Kubo.

Vidu ankaŭ

• Grijalva (rivero)